Prowerb 20:1 - Nobonob Baibel

¹ Wain huan lanak amu he, danab kaaka kobol heeg, danab laa ag eheɗ aon aon aqadtteb. Bia nug he, danab ag nug qetteb; aun aɗi ag le laeg, kaaka aqatte, eheɗ oitteb, ag danab doyak dabmak ena ele iitta.

Prowerb 20:1 Referans Kwoze

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Aisaia 28:7

⌊Amu anam aakku bekku, amge gemu⌋ Israel danab le lanak kobolppa daatteb amu, ag Israel danab ah gumadtteb. Propet danab, mana mettak danab ele oh le ɠagattag lana, spak menan, taataɗ qeegeg, hak ahilag am nauhom. Ag amubia oitteb amunu, dabmak ahilag eɗatte, maɗi ahilag amu, ag tutukku ii hetteb. Propet ag Kayak Nug tulppa keeke ippunatte, ag pehettak ii anidtteb. Mana mettak danab ele ag danab ah dilag keeke tutukku ii epeɗitteb.

Prowerb 31:4

O Lemuel, king, ao king, ag wain huana aib lappig. Yo, gumak danab ag aib le ɠagattag lakkulagnu hik qak dooppig.

1 Korint 6:10

o aun aɗi ag yabhak kobol hetteb, o aun aɗi ag baubau awaknu hik qak kobol dim lamidtteb, o aun aɗi ag le ɠagattag laeg, kaaka aqatte, o aun aɗi ag baeg qak nai maditteb, o aun aun aɗi ag nai ittag ele mattinna yabhoi hak danab daatteb amu, danab ah amu ag oh Kayaknu ɗo maɗoɗ ooppa ii daamna.

Galesia 5:21

laanu ameg qe oo elele ii dayak kobol, le ɠagattag la kaaka qak kobol, goɗak qiɗ nau ele hak kobol, amu hak nau iɗu iɗu ele aakku daatte. Da anukka ag amelagppa ami, amu gemu baula ag amelagppa attem. Danab oh ag kobol amu hetteb amu, ag Kayaknu ɗo maɗoɗ ii aomna.

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Aisaia 5:22

Danab ah aun aɗi, ag danab wain lanaknu onilag ele, ahilagnu gadonnab gadon! Ao, danab ah aun aɗi ag le ɠagattag digdig kabolina, huana latteb ele amu, ahilagnu gadonnab gadon! ⌊Ag padal mekkulag.⌋

Hosea 7:5

King binag maknu qagmak gamag ahak elenu deɗppa, king bekkod ag wain laegeg, kaaka aqatte, king nug awa awa qettak danab ele oitteb.

2 Samuel 13:28

Dawit nug ag oh gokkulagnu aum amunu, Apsalom nug nuhikkud danab amelagppa haknunab nai inam aum. “Amnon nug wain nakok okkai lab, kaaka nakok qeeb, da ag amelagppa, ‘Ag Amnon qeig!’ appi amu, ag qeppeg mauhaɗ! Ag aib baɗappig. Aɗinu? Da ag inam hekkulagnu iite ai dooppig? Ag ɠagattag daan, ag oolagppa ɠagattag doyeg! Ag heig!” awa aum.

Lewitikas 10:9

“Na, amu na buɗunadppa ele ag iinab wain, o le ɠagattag laa lawona, mettid haknu peh lag danab ah appa qagmetteb ele, ag lag amu ooppa nokkulagoitte. Ag anam lawona, mettid haknu peh lag ooppa ii nokkulag dayeb amu, ag ii mauhmana. Ɗo imu buɗub buɗub doobob, ahilagnu hanhan daakkunu daatte.

Prowerb 23:20

Laa ag wain huana lanan kaaka aqatte, o doɗ teppu kuɗumnab laegeg, oolag huana diditte amu; na ag ele ouqak aib daame.

Habakuk 2:5

Anam amu, wain am danab amu he, na qette. Ao, beɗuppa tak danab amu nug toetta ii daatte. Mauhak aben am, ‘Elele! Danab mauhppig baula imuppa aib uɗippig,’ attete? Iitta! Ge, mauhak am, ‘Da hei, danab ah elele mauhppig,’ attete? Iitta! Anam amunu, amubia danab amu ⌊am Babilon dilag okkai amu⌋, nug wanppan wan ohnu danab ah nug waappa daaglagnu diiakib diiadtte. Ao, nug atu ohppan danab ah diiatte, nug eppegppa daatteb.

Aisaia 5:11

Amu danab ag le ɠagattag digdig lakkulagnu guittak doon, lakkulagnu buttuanab ahatteb amu, ahilagnu gadonnab gadon. Ge, laa ag tueb ukke tugmag mette ele, ag wain lanan, kaaka eheɗ aqadtte amu, ahilagnu gadonnab gadon.