Prowerb 2:6 - Nobonob Baibel

⁶ Aɗinu? Yawe Nug doyak dabmak ena ele megatte. Ao, Nug oɗeppa ig doyak, amu diignu doyak tutukku ele aottem.

Prowerb 2:6 Referans Kwoze

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Sam 119:98

Nahip ɗo hanhan da gukkuiɗak daatte amunu, ɗo amu he, dahil doyak dabmak ena ele, am dahil kekeɗ dilag doyak dabmak ena ele eɗidtte.

Job 32:8

Da anam ami, amge Ouɗi Nug danab ooppa daatte. Ao, Laa Nukka Ɠagattag Oh Ele, Nug Ouɗi danab ooppa daatte. Amu Nugib danab diignu doyak tutukku medatte.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Aisaia 54:13

Danab ah oh Jerusalem daatteb, Juda laa oh ele amu, Yawe Nug ib tutukku ippuanatteb, ag maɗoɗnab daaglag.

Jon 6:45

Propet dilag yaakppa, nai inam niitte. ‘Danab ah oh am Kayak nukka nuhig kobol ippunadkku.’ Aria aun aɗi Nug ag ehanatta ippuanatte, ag Mame oɗe doona, nuhig kobol aona amu, ag dahilppa dotteb.

1 King 3:12

amunu, na da oɗ meɗame bia, da na doyak dabmak ena ele, amu oo maittak awaknu ehah ele medakkul. Anam amu, am inam daakku. Anukka danab laa nug doyak dabmak ena ele, oo maittak awaknu ehah ele anam amu, laa ii awom. Iitta! Aria, dimppa ele danab laa nug aokku, nug amubia ii aoma. Iitta.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Sam 119:104

Nahip oo yaak nai ɗo bia, nai amu diignu doyak tutukku da meɗatte, diig amunu da ib eheɗ ohnu, am nau ninig ele doottem.

Daniel 2:23

O Kayak, na da mamelad aɗi dilag Kayak, da na amenppa, ‘Ena heme,’ ainne, da na binan humattem. Na da doyak dabmak ena ele meɗan, na ɠagattag ele meɗame. Ig na keeke laanu oɗ mettaut, na da ippuniɗme. Na hee, ig kingnu tul niiak attem dayom amu, ig aakku amu doomut,” awa aum.

Daniel 1:17

Ag ee amuib laeg, Kayak Nug nid bau waɗele amu doyak ena ele matta, Nug ag kaya digdignu diignu doyak tutukku, am dabmak unuqagnu diignu doyak tutukku ele ag mattom. Nug amu matta, Nug he, Daniel nug tul niiak digdig, tulegleg digdig ele anattaknu diig doya, mehuqkkunu ehah ele mettom.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

1 King 4:29

Kayak Nug doyak dabmak ena ele huanak Solomon metta, Nug dabmak meu unuqagnu okkainab, amu diignu doyak tutukku ele mettom. Nuhig doyak amu oh am yu ihippa abuɗ niitte, amubia amunu, danab laa ebqekkunu elele iitta.

Daniel 2:21

Kayak Nug wanppa aɗi keeke bekkulag, aria haen adekkuppa bekkulag ele gumatte. Nug he, danab laa king abenabppa tette. Nug he, danab amu king abenabppa ii daatte. Nug he, danab doyak dabmak ena ele nug doyak dabmak ena amu tuɗid ele aotte. Nug he, danab diignu doyak tutukku ele, nug diignu doyak tutukku tuɗid ele daatte.

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

Sam 19:7

Yawenu ɗo am ena eleleib; am danab ah ehanatte, ag bauklel daatteb. Yo, danab ah ag Yawenu ɗonu genab elele dooglagnu elele; ɗo amu ag heeg, danab ah ag doyak ii awak daatteb, ag doyak dabmak ena ele aon daatteb.

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

Eksodas 31:3

Da nug tituanen, da nug uɗat kobol ele, nug uɗat amu, laa oh ele hekkunu amu, da dahil Ouɗi, ehah, dabmak ena, doyak ena ele mettami.

1 Stori 22:12

Amu na Yawe, nahip Kayak, na nuhig ɗo dim lamidkkutnu, haen Nug na Israel danab ah gumadkkutnu meitteb king daappe amu, Yawe Nug heeb, na laan neekkakppa nug dabmak eheɗ ii aomanu kobol, diignu doyak tutukku ele aɗan oikkutnu ool daatte.

Nehemaia 7:5

Amu Kayak dabmak meɗe, da hei, anuqak danab, Juda dilag ehanittak anuqak danab, aabppan danab ah ele ag onilkad bukppa ag baelkadppa anen anen onilkad waappa yaaglagnu uɗippig. Amu da tatam mattien, buk laa, diia ukka laih me dayak danab ah tatam eɗun uɗippig onilkad amuppa yaak daatte ele amu, da buk amu anidmi. Antten amu, buk amuppa da yaak laala imu anidmi.

Job 22:22

Na daut human, ippunittak nai Nug oɗeppanu awe! Ge, na nuhig nai doon, dabmakppa me!

Sam 51:6

Na danab ah ag oolag unuqagppa doyak diig genabib daakkunu oot daatte amunu, na da ool unuqagppa, da danab doyak dabmak ena ele, da danab anam daakkulnu ippuniɗkkutnu unuqidttem.

Eklisiastis 2:26

Amunu diig am, Kayak Nug doyak dabmak ena ele, doyak ena, amu oo gamag ahak ele danab ag Nug waappa daanna, dim lamidtteb ele, ag madatte, amge Nug he, hipunin danab ag en ahilag danab ena amu mattaglagnu uɗat ge iitta henana, keeke aon qagmekkulagnu hetteb. Amu oh gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia aakku daatte.

1 King 10:24

Anam amunu, danab aben ohppanu ag Solomon gumidna uɗin, doyak dabmak ena ele Kayak, Solomon mettom, ag amu dooglagnu oolag daye, qagmekkulagnu haen mettaglagnu nug oɗ medappig.

Esra 7:25

Amu Esra, nahipnu amu, Kayak nahip Nug doyak dabmak ena okkai ele mettom amunu, na doyak dabmak ena ele amu dabmena, na epeɗiak danab okkai, epeɗiak danab okkai iitta ele otiadna, ag nai doya mala hettoɗia epeɗia elele mettak kobol dim lamidnana, danab ah le Yupretis heqo laih appa daatteb, ag nahip Kayaknu ɗo nai aɗi aɗi ippunigtte dootteb amu, ag danab ah amu oh epeɗiatteg! Amu laa nug ɗo amu ii dootte ele amu, na nug ippunitte!

Job 12:13

Amge doyak dabmak ena elenu diig, ɠagattagnu diig ele am Kayak eppegppa daattep. Ao, ulum mettak nai, diignu doyak tutukku ele am nuhigppaib daattep.

Job 12:16

Kayak Nug ɠagattag oh ele, Nug doyak dabmak ena hambuppuak nakok laa iitta ele; laa nug layag hambuppuidtte, layag bubuittom ele, aa oh Kayak eppegppa daattep.

Sam 19:8

Yawenu oo yaak nai ɗo bia oh am tutukkunab; amuppa danab ah ag oo gamag ahak aotteb. Ao, Yawenu ɗo oh am amahlak ele; amuppa danab ah ag aɗi kobol, aɗi keeke am tutukku amu, ag anidtteb.

Sam 94:10

Laa Nug danab ah toliadtte amu, Nug ag bu iite mattama? Laa Nug danab ah keeke ippuanatte, Nug nuhig doyak tutu meum daattete?

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.