Prowerb 2:19 - Nobonob Baibel

¹⁹ aun laa nug ah amu ele niittep, nug tatam ena oiyom, nug amubia baula ii oima; nug eɗua, bau enanag daakkunu ib laa iitta.

Prowerb 2:19 Referans Kwoze

Eklisiastis 7:26

Da amu heinne, da imu anidmi. Ah laa nug uhui bia daatte amu, ooppa nug doɗ dilag pelem bia daatte. Ao, nug eppeg am danab qagakkunu sen bia daattep. Da nug danab ninig nau medatte anidmi; mauhak am ninig ele, amge ah amunu ninig mettak am mauhaknu ninig eɗidtte. Danab nug Kayak dim lamidtte amu, nug ah amu eppegppa ii daama; amge laa hipunin dim lamitta hette amu, nug ah amu eppegppa daakku.

Sam 81:12

Amunu da ag uuatti, ag oɗe dim lamidmananu dabmak ahilag ɠagattag eppe daatteb. Ao, da ag uuatti, ag akka ag aɗi aɗi dooppig amu, ag amuib dim lamidkkulagnu daatteb.

Hosea 4:14

Amge ahilkad danab ag ele nau anamib aakku hetteb. Ag ib baag ah ele niitteb. Ao, ag ib baag ah, ag kayak hambuppuak dilag mettid lag nakokppa ag ahilag uɗat amu hettebppa appa, ag ag mana mettak hena, ag ele niitteb. Anam amunu da geha ag dahilad danab ah, da ag aɗelkad, ag eɗun, ib baag ah bena oitteb amu, diig amunu da ag aɗelkad bu ii madapa. Ao, da geha ag dahilad danab ah, ag ahipalkad ele, ag eɗun, ewau pakkua gappai hak kobol hetteb amu, diig amunu da ag ahipalkad bu ii madapa. ⌊Dabmeig!⌋ Ag danab ah ag diignu doyak tutukku iitta ele daatteb amu, ag nauhkkulag.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Jeremaia 13:23

Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Prowerb 5:6

Nug bauklel dayaknu ippu dab-ii-mette. Ao, ib nuhikkud amu kaliak, amge nug amu ii dootte.

Prowerb 5:11

Na ah nug gamu uuitte, danab laa ele oittep ele niiglah amu, nahip bau dayak gog tak haenppa na geha beɗun hiɗeb, ebehin teeb, guittak okkainab doon daanna, na aiqagakkut.

Prowerb 6:32

Anam aakku yab danab nuhigppa bette, amge danab nug ewau pakkua he laa wau ele gappai hettep amu, nug epeɗia ha dabmak ena awak kobol ii dootte ele; nug nukka nug ha, nug padal mette.