Prowerb 2:17 - Nobonob Baibel

¹⁷ Am ah amu nug nid ahin dayaya, laa nug gamu daakkunu awom amu uuom. Ao, nug Kayak noobppa nug gamu wau daakkunu nug tituana nai qakkak heum amu, nug nai amu dimug ma, hamu bia doya, anam oitte.

Prowerb 2:17 Referans Kwoze

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Jeremaia 3:4

Ag anam hetteb, amge ag da amelppa atteb. ‘O ig mamenig, ig nid nakok daautut, na ig lainignab daame.

Prowerb 5:18

Na dabmak imu aon, aɗan oiye! “Doɗ dia am doɗ neekkak nuhig enanag ele, danab anidtte am enanag dootte. Amubia ah dahil am ah iɗu tuqak, enanag, nug dahilnu oo mauhtte.” Na dabmak amu aon, aɗan oippeppe, nid yuɗ nug anig huh lanana, elele dootte, amubia na ah nahipnu eleleib dookkutnu ool daatte. Ge, ah nahip nug nahipnu oo mauhtte, diig amunu na nuhigib hanhan daan oikkutnu ool daatte. Na nug ele oiyya, nid menuglahnu ool daatte. Ao, na nahip ah, na nid bau daan aome amu, na nuhignu gamag ahak dookkutnu ool daatte.

Genesis 2:24

Amu Yawe Kayak Nug ah danabppa heum, diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.