Prowerb 2:15 - Nobonob Baibel

¹⁵ Ib ag oittebppa am kaliak, am tutukku iitta. Ao, ahilag hak unuqagppa amu, appa kaliak daatte, am tutukku iitta.

Prowerb 2:15 Referans Kwoze

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

Prowerb 21:8

Danab ag beɗulagppa aab ele, ag kobol hambuppuak dim lamidna oitteb; amge danab ag eheɗ laa ii heppig ele, ag genab tutukku hak kobol dim lamidna oitteb.

Duteronomi 32:5

Amge Israel danab ah ag nuhignu amu, ag Nug dimettan, ii dim lamidna oitteb. Ge, ag anam hena oinna, ag genab nuhig nid daattebte? Iitta! Ag hambuppuak hak danab, ag kobol kaliak amu dim lamidtteb.

Aisaia 59:8

Ag laa ele, maɗoɗ ele daaglagnu oolag ii maidtte. Ag aɗi aɗi hetteb ele amu, ag amu henana, ag nai doya mala hettoɗia epeɗia elele mettak kobol iinab dim lamidtteb. Ag ib kaliak ele aon oitteb. Auntai nug ag ele oitteb amu, nug maɗoɗ nakoknab laa iinab anidmana.

Prowerb 8:8

Keeke oh da madittem am nai doya mala hettoɗia epeɗia elele mettak kobol dim lamidtte. Ao, da nai madittem amu, laa am kaliak iitta, o laa am nai eheɗ tutukku iitta, am ele iitta.

Prowerb 14:2

Aun nug genab tutukku hak kobol dim lamidtte, nug Yawenu ebehi oh bodoetta le mette; amge laa nug oiyak kaliak dim lamidtte amu, nug Yawenu ena iinab dootte.