Prowerb 2:13 - Nobonob Baibel

¹³ Danab amu ag ib ena tutukku, ag amuppa oiyaknu uutteb; ag ib gatatu eleppa oitteb.

Prowerb 2:13 Referans Kwoze

Prowerb 4:19

Anam, amge nau hak danab dilag ib amu gatatu naunab bia; aɗi keeke he, ag nena qetteb amu, ag ii dootteb.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

Prowerb 21:16

Danab nug diignu doyak tutukku ii dim lamidtte; nug danab ag mauhppig, nug amu dilagnu ele daaglagnu hette.

Jon 12:35

Anam aeg am Jesus Nug aum. “Ag haen nakoknab laa ele amahlak ele daaglag. Haen imuppa ag amahlak ele amunu, gatatu ag tonadmanu ag amahlak ele oiyeg! Laa nug gatatuppa oitte amu nuhig ib ii anidtte.

Jon 1:6

Kayak Nug danab laa nug danab ah amelagppa amahlaknu nai mehuqkkunu epeɗie doum. Danab amu onig Jon. Nug amahlaknu nai mehuqkkunu diig am, nug mehuqebeb, danab ah oh ag nuhig mehuqak, amuppa oolagppa genab dooglagnu elele daaglag.

Sepanaia 1:6

Da heppi, laa ag anukka da noolppa dup nona binal meppig, amge ag uun uuiɗna, kayak laanu dabmetteb; ag da, Yawe, ag da aniɗna dim lamiɗkkulagnu ii mattiɗna, ag da ulum madakkulnu oɗ ii meɗatteb amu, da ag ele heppi, ag nauhkkulag.” Yawe Nug anam awa atte.

Esekiel 18:26

Genab tutukku hak danab nug genab tutukku hak uua, hipunin hekku dayeb, nug hipunin heum, diig amunu nug mauhkku.

Sam 82:5

⌊Epeɗiak danab nau dilagnu amu, Kayak Nug atte⌋. “Ag am keeke laa iinab dootteb. Ag keeke laanu diignu doyak tutukku laa iitta. Ag eheɗ hetteb amunu, wanppan ɗo, wanppan uug mawaknu ukku ele ɠagattag dayaknu elele iitta, keeke oh uɗaltte.

Sam 36:3

Nau hak danab ag hanhan nai nau, hambuppuak ele maditteb. Ag doyak dabmak ena ele, am kobol ena ele ii dim lamidtteb.

Sam 14:3

Nug neegtte, amge Nug auntai anam laa heehe ii anidtte. Ag oh am Kayak dimedappig. Ag oh diilkad ena iitta. Laippu laa ena ii hette. Iittanab!

Rom 1:21

Amu ag Kayak dooppig, amge ag Nug am genab Kayak oolagppa genab ii doonna, ag Nug binag amahlak oppiaawak ii mettana, ag nug amegppa, “Ena heme,” aon ii appig. Iitta. Dabmak ahilag eɗua, dabmak tutukku iitta be, ag oolag ootot aqe, gatatu manom.

Aisaia 59:8

Ag laa ele, maɗoɗ ele daaglagnu oolag ii maidtte. Ag aɗi aɗi hetteb ele amu, ag amu henana, ag nai doya mala hettoɗia epeɗia elele mettak kobol iinab dim lamidtteb. Ag ib kaliak ele aon oitteb. Auntai nug ag ele oitteb amu, nug maɗoɗ nakoknab laa iinab anidmana.