Prowerb 19:9 - Nobonob Baibel

⁹ Danab nug hettoɗiakppa laa aɗi heehe anttomnu mattiak danab daatte, nug nai hambuppuak akku dayeb am, nug bu aokku. Ao, danab nug hettoɗiakppa nai genab ii akku dayeb amu, nug mauhkku.

Prowerb 19:9 Referans Kwoze

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Prowerb 19:5

Hettoɗiakppa laa aɗi heehe anttomnu mattiak danab daatte, nug hambubukku dayeb amu, nug bu aokku. Ao, danab nug hettoɗiakppa nai genab iitta madikku dayeb amu, nug guittak iitta ele gokkunu elele iitta.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.

Esekiel 13:22

Da genab tutukku hak danab ah uug dooglagnu ii hei, ag ah eheɗ hetteb ele ag nai hambuppuak mattiegeg, genab tutukku hak danab ah ag kobol ena dim lamidkkulagnu uug doon oitteb. Ag ah ag eheɗ hetteb, ag anam henana, ag nau hak danab ag mauhmananu, ag oolag eɗueb, eɗun ena daaglagnu dabmak ii madatteb. Iitta! Ag tuɗidna, eheɗ hekkulagnu atteb.

Prowerb 6:19

hettoɗiakppa aɗi heehe anttomnu mattiak danab dayaya, nai hambuppua, ii daye daye mattiak kobol, amu laa nug he, awag amag ag nug qetteb, kobol amu ele.

Prowerb 12:19

Doyak diig genabib amu hanhan enaib daatte; amge hambuppuak nai am pahanab iitta mette.

Prowerb 21:28

Danab nug hettoɗiakppa nai hambuppuak maditte, nug mauhkku; amge danab nug nai diig genabnab maditte, nug nai tuɗitta mattieb ukkeb, gogppa tekku.

Daniel 6:24

Ag amu anidna, king haknunab a, daup ag danab ag Daniel beɗuppa nai genab iitta yaappig ele, ag danab amu, ahilkad ah, ahilkad nid ele diin dona, moɗ naɗi laion daattebppa buɗiatteg noegeg, ag moɗ batakppa ii noegeg, laion aelkadppa, eppelkadppa ele kattiɗadna heeg, huppu huppu neppig.