Prowerb 19:6 - Nobonob Baibel

⁶ Danab kuɗum ag danab okkai nug ahilagnu ena dookkunu, ag kobol digdig hetteb. Ao, danab oh ag laa nug keeke kuɗum awa, laa ahilag daakkunu hamu madattenu, “Da am nug layag daattem,” atteb.

Prowerb 19:6 Referans Kwoze

Prowerb 29:26

Danab kuɗum ag gumak danab nug ii helo bia me, nug ehanadkkunu hetteb; amge nai doya mala hettoɗia epeɗia elele mettak kobolnu amu, danab ah ag amu Yawe, nuhigppanu aotteb.

Prowerb 18:16

Am na danab okkai anidkkutnu gona, nug ena dookkunu na keeke nuhig daakkunu hamu mettaknu aon gokkut; keeke amuam heeb, na nug gumidna gokkut.

Prowerb 17:8

Danab laa nug lokkumakppa eheɗ haknu ehanittak laa mette, laa nug oɗe dim lamidtte; laa amu hette amu, nug attem attem hette, am enaib he bette ⌊bia dootte⌋.

Prowerb 21:14

Laa oo nauhak dootte dayeb, keeke nuhig daakkunu lokkumakppa nug mettak amu, amuam he, oo nauhak bodoedatte. Ao, laa oppoɗi bak dootte dayeb, keeke nuhig daakkunu lamen waappa ma, awa ukka, nug mettak amu, amuam he, oppoɗi bak okkai aakku oug mette.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Genesis 42:6

Josep nug Isip wannu gawana dayeye, danab oh ag ee aeg daden mekkulagnu heppig ele, ag ee aeg Josep toppanu daden meppig amunu, haen Josep awakkud ag uɗin, ag ele Josep toppa gona, Josep noobppa gatelag qaun ona, gomelna, iɗulag wanppa meppig.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Prowerb 16:15

King nug laa ena neekkitteb amu, laa amu nug bau daakku; amu king nug laanu ena ii helo bia me, nug amu hette, kobol amuam gu na, wan ehanidtte bia.

Sam 45:12

Tair danab ah ag na keeke kuɗumnab ena ena, nahip daakkunu hamu mettaglag. Danab ah en okkai ele ag na ahilagnu ii helom bia me, na ehanadkkutnu, ag na keeke nahip daakkunu hamu mettalag.

Genesis 43:15

Jakop nug anam a amu, ag ahan, keeke ena ena amu akkan, silwa men doɗo tatam aon goppig, amu aakku aon, bau amubia ele aona, Benyamin ele omalna, aakku paha Isip wanppa, Josep gumidna goppig.

Genesis 32:20

Amu ag nai imu, ‘Nahip maɗi nid Jakop, nug dim uɗitte,’ aon akkulagnu aibnab daulag atiom,” awa aum. Jakop nug anam aum. Aɗinu? Nug inam dabmeum. “Da nuhig daakkunu hamu mettaknu keeke imu mei, anuqa gotte amu, nug amu antta, nug oo eɗukku. Eɗueb amu, haen da awai, nug anidppi, nug dahilnu oo ena daakkutai,” awa aum.