Prowerb 19:5 - Nobonob Baibel

⁵ Hettoɗiakppa laa aɗi heehe anttomnu mattiak danab daatte, nug hambubukku dayeb amu, nug bu aokku. Ao, danab nug hettoɗiakppa nai genab iitta madikku dayeb amu, nug guittak iitta ele gokkunu elele iitta.

Prowerb 19:5 Referans Kwoze

Prowerb 21:28

Danab nug hettoɗiakppa nai hambuppuak maditte, nug mauhkku; amge danab nug nai diig genabnab maditte, nug nai tuɗitta mattieb ukkeb, gogppa tekku.

Prowerb 19:9

Danab nug hettoɗiakppa laa aɗi heehe anttomnu mattiak danab daatte, nug nai hambuppuak akku dayeb am, nug bu aokku. Ao, danab nug hettoɗiakppa nai genab ii akku dayeb amu, nug mauhkku.

Prowerb 6:19

hettoɗiakppa aɗi heehe anttomnu mattiak danab dayaya, nai hambuppua, ii daye daye mattiak kobol, amu laa nug he, awag amag ag nug qetteb, kobol amu ele.

Eksodas 23:1

Aria, laa amu, laa ag hambuppuak nai laa mattiglag dayeb, ag nai genab iitta amu aib tuɗidppeg okkai meum! Amu danab nug nau heeb, laa ag nug hettoɗiakppa meppeg dayebeb amu, aria ag nug ehanidna, nai hambuppuak, ‘Nug eheɗ laa ii heum,’ aib appig!

Daniel 6:24

Ag amu anidna, king haknunab a, daup ag danab ag Daniel beɗuppa nai genab iitta yaappig ele, ag danab amu, ahilkad ah, ahilkad nid ele diin dona, moɗ naɗi laion daattebppa buɗiatteg noegeg, ag moɗ batakppa ii noegeg, laion aelkadppa, eppelkadppa ele kattiɗadna heeg, huppu huppu neppig.

Duteronomi 5:11

Da am Yawe, nahip Kayak. Na da onil hamu aib diime. Aɗinu? Da danab, o ah aun nug da onil hamu diitte ele, da nug bu medakkul.

1 King 2:9

Amge na nug nau dahilppa heum amu, na amunu dabmak aona, na, ‘Nug eheɗ laa ii heum,’ aib dabmeme. Na am danab doyak dabmak ena ele amunu, na nuhigppa aɗi hekkutnu daatte amu, na dookkut. Na heppe, nug mauhaɗ!” awa aum.

1 King 13:18

Aria, Kayaknu propet amu nug anam a, propet kaino nug aum. “Am da ele am propet, na bia,” awa aum. Nug anam anana amu, nug inam ele aum. “Yawe Nug engel laa he, engel nug da amelppa aum. ‘Na gona, danab amu eɗun omalppe, na lautppa ukkeb, ee, le ele lakkunu medakkut,’ awa aum.” Nug anam aum, amge nug hambuppuom.

Sam 56:7

O Kayak, na heppe, ag eheɗ hak ahilagnu nob nau aoglagnu oɗ medattem. Ge, na kekeɗ dahilnu oot nauheb heppe, ag wanppa nena qekkulagnu unuqidttem.

Prowerb 14:5

Laa nai genabib maditte amu, hettoɗiakppa ele, nug laa aɗi heehe anttomnu mattiak danab dayaya, nug nai genab maditte, nug ham-ii-bubutte; amge laa nai hambuppuak maditte amu, hettoɗiakppa ele, nug laa aɗi heehe anttomnu mattiak danab dayaya, nug nai hambuppuak huanak maditte.

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Prowerb 14:25

Hettoɗiakppa laa aɗi heehe anttomnu mattiak danab nai genabib maditte amu, nug he, danab laa eheɗ laa ii heum nug bau daatte; amge laa aɗi heehe anttomnu mattiak danab nug hettoɗiakppa nai hambubutte, nug he, danab mauhtteb.