Prowerb 19:29 - Nobonob Baibel

²⁹ Danab ah ag awa awa qettak nai maditteb, ag bu aoglag. Ao, danab ag Kayak dab-ii-menan ii dim lamidtteb ele, ag bu ɠagattag aoglag.

Prowerb 19:29 Referans Kwoze

Prowerb 26:3

Hos, donki ele ag dabmak ii aotteb amunu, danab nug makkuɗaknu muɗippa hos ulum medatte, o iitta, donki ikki muɗippa qakka eeɗaɗa, ulum medatte; amubia, danab ag Kayak dab-ii-menan ii dim lamidtteb ele, ag buppa ulum aotteb.

Prowerb 10:13

Danab ag oo maittak awaknu ehah aoppig daatteb, ag doyak dabmak ena elenu nai maditteb; amge danab ag epeɗia ha dabmak ena awak kobol ii dootte ele, ag bu aoglag.

Prowerb 9:12

Na doyak dabmak ena ele aɗan oippe amu, doyak dabmak ena ele amu na nob ena medakku; amge na awa awa qettak danab daan, na guittak aon oikkut.

Hibru 12:6

Aɗinu? Naɗi Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, Nug danab laa awa, nuhignu, ‘Nid dahil,’ atte ele amu, Nug danab amu ena bekkunu bu medatte.”

Aisaia 29:20

Aɗinu ag oolag gamag ahakku? Am inam. Danab ag oo doyak ii doon nau hetteb, ag iitta mekkulag. Amu danab ag Yawe, amu nuhikkud danab ah dilagnu ele ag aon aon aqatteb amu, ag padal mekkulag. Danab ah oh ag kobol nau hekkulagnu dabmenana oitteb amu, Yawe Nug heeb, ag nena qekkulag.

Aisaia 28:22

Naɗi, Nug Yawe Nukka Ɠagattag Oh Ele, Nug da amelppa Nug genab wan imu oh heeb nauhkkunu ɗo meum daattenu aum amunu, ag Yawe nai maditte, ag amunu imak uueg! Ag amu ii uuglag dayeb, Yawe Nug bu mettak ahilag tuɗitteb, awaknu daatte eɗittak, okkainab mekku.

Prowerb 18:6

Danab nug Kayak dab-ii-maama ii dim lamitte ele nug he, laa nug ele naippa nug mehqak hetteb. Ao, nug oɗeppa aɗi atte amu he, danab ah ag nug makkuɗkkulagnu hetteb.

Prowerb 17:10

Am danab nug laa diignu doyak tutukku ele daug batakku amu, laa amu nug ena oikkunu oo maittak okkai aokku; amge danab nug Kayak dab-ii-maama ii dim lamidtte ele amu, laa nug nug bu medakku dayeb, nug ena oikkunu oo maittak nakokib aokkutai.

Prowerb 7:22

Ah amu nug nid bau amu amegppa anam mattie, pahanab nid amu nug ah amu dim lamittom. Nug dim lamittom, amu makau okkai ebehi ele mameg nug omale, qe mauhak abenppa tette, amubia nid amu nug makau okkai ebehi ele hette bia heum. Ao, nid bau nug heum amu, doɗ dia nug pelemppa tette, nug amubia heum.

Prowerb 3:34

Danab ag dada kobol dim lamidna, Kayak aon aon qedatteb ele amu, Nug imadtte, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.

Duteronomi 25:2

Amu epeɗiak danab nug laa eheɗ heum ele bu qaknu akku dayeb, epeɗiak danab nug anam haknunab aum amu, nug heeb, eheɗ hak danab nug noobppa niiebeb, nug mataɗak gane eheɗ heumnu aokkun daatte amu, nug anam mettaglagnu ab, ag anam hekkulag.

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

2 King 2:24

Ag amu heegeg, Elisa nug eɗua neekkattatta, Yawe onigppa ag eheɗ laa awaknu anak waappa daaglagnu aum. Aria, pahanab bea aɗit atu ooppanu beya goya, nid oolagppanu nid 42 amu oh guittak okkai madapiɗ.

Prowerb 1:22

Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

Prowerb 1:26

Ag amu heppig amunu, da haen aɗi keeke heeb, ag uug naunab dooglag amu, da haen amuppa imadkkul. Ao, haen padal mak haen laa ahilagppa beeb amu, da ag awe awe aqadkkul.