Prowerb 19:23 - Nobonob Baibel

²³ Yawenu ebehi oh bodoetta le mak am omaitteb bauklel daakkut; aun nug Yawenu ebehi oh bodoetta le mak dootte, nug maɗoɗppa daatte, nug Kayak eppegppan bu mettakppa ii daama.

Prowerb 19:23 Referans Kwoze

Matyu 5:6

Danab aun aɗi ag Kayak noobppa genab tutukku daaglagnu oolagppa enug qak bia dootteb ele amu, ag itittak ena aoppig daatteb. Aɗinu? Ag amu ambak aoglag.

Prowerb 12:21

Nau hak kobol am genab tutukku hak danab ii aɗama; amge nau hak danab ag hak nau kuɗumnab hetteb.

Sam 90:14

Ig bau daattem haen imuppa ig haen oh oonig gamag ahebeb, ahi ettagnignu amu, buttua oh na heppe, oo mauhaknab kobol nahip ihinigppa daakkunu oɗ medattem.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

Prowerb 10:27

Yawenu ebehi oh bodoetta le mak kobol am he, danab nug paha ii mauhtte, nug tuɗitta bauklel daatte; amge nau hak danab ag haen tutuib daatteb.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Sam 91:16

Da na bau dayak haen elab daakkutnu medakkul. Da ehanidppi, na padal ii memana,” awa atte.

Sam 25:13

Agnab amu, ag keeke kuɗum ele daappeg, ahilkad nid ag geha ahilag wanppa daaglag.

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

Sam 19:9

Amu Yawenu ebehi oh bodoetta le mekkunu kobol amu, kobol amuam ena eleleib; am oppiak ele. Am hanhan daakku. Laa nug tuqa ii aoma. Yawenu ɗo oh am doyak diig genabib, amuppanu betteb. Ag oh am genab tutukkuib daatteb.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Sam 91:10

diig amunu amu, nahip-ppa eheɗ laa ii bema. Ao, oɗe nau danab kuɗum aqe mauhtteb amu, nahip peh lag guguitta ii uɗima.

Prowerb 11:19

Genab tutukku hak danab nug bau daakku; amge aun laa nug kobol eheɗ haaha oitte, nug mauhkku.

Prowerb 19:22

Danab ag laa ag haen enappa, nauppa ele ag ahilagnu oo mauhaknab kobol dim lamidkkulagnu oolag daatte; na daɗek mak daakkut, amuam uugnab iitta, amge na hambuppuak danab daakkut, amuam nau.

Prowerb 3:24

Na kobol aɗit amu daut ii atieb, dim lamatkkut dayeb amu, haen na niinna, na ii baɗamna. Ao, na niittem haenppa na enaib niikkut.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.