Prowerb 19:17 - Nobonob Baibel

¹⁷ Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Prowerb 19:17 Referans Kwoze

Prowerb 28:27

Aun nug daɗek keeke madatte, nug bau dayaknu keekenu tutu ii mema; amge danab ag laa nug laa daɗek daaegeg, ii ehanadtte amu, nug eheɗ laa awaknu anak waappa daakku.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Luk 6:38

Ag danab keeke madappeg amu, laa ag eɗun ag keeke mattaglag. Ag keeke ambeeb, ye noak dayeb, baubau ineb amba gokkaɗebeb aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag,” awa aum.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Eklisiastis 11:1

Na nug ehanittak henan daye! Aɗinu? Na anam heppe, butti, haen adekku amu, na ehanittak eɗun aokkut.

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

Pilipai 4:17

Amu da keeke ahilagppanu aokkulnu ii attem. Iitta. Da ahilagppa kobol ena naɗi dayebeb, ag Kayak noobppa onig ena aoglagnu ool daatte.

Prowerb 14:21

Danab nug mudippan laippunu ena iinab dootte amu, nug aakku hipunin hette; amge danab nug daɗek ehanadtte, nug itittak ena awom daatte.

Prowerb 28:8

Laa ag lonnu intres, ag amuppa enulag okkai tuɗidna aotteb amu; Kayak Nug heeb, ahilag en am laa ag daɗek ehanadtteb ele, ahilag daakku.

Prowerb 12:14

Danab laa nug Kayak binag mak nai, ehanittak nai ena ele madittenu nob ena ambak anidkku; ele amu, danab nug eppegppa uɗat haaha daya, nug keeke aotte.

2 Samuel 12:6

Nug eheɗ nau heum, nug oo doyak nakok laa ii doyaya heum. Nug sipsip balat laippu qeum amunu, nug sipsip balat waɗele daɗek danab amu eɗua medakkuoitte. Nug amu hekkunu iinab uuma,” awa aum.

Duteronomi 24:19

Na ee meu dad nahip-ppanu aonna, na ee gumu aɗa ehakkak awa uɗiaknu laippu daut atieb uɗion, na aib aokkutnu eɗun gome. Yawe, ahilag Kayak, Nug na aɗi hettem antta, Nug na itidkkunu, na uuppe, wan laihnu danab ah, nid ag mamelkad mauhppig, amu ah qab ele dilag dayaɗ!

Sam 72:13

Nug geha danab gai-iitta doon, keekenu tutu mak daatteb ele, nug ahilagnu oo gai-iitta doya oo matta, ag ehanadkku. Ge, Nug laa ag keekenu tutu mak daatteb ele, nug ag padal memananu ehanadkku.

Prowerb 22:9

Laa nug laa keeke mettaknu oo qak iitta danab, nug itittak ena aokku; amunu diig am, nug daɗek ee madatte.

Eklisiastis 11:2

Na nug ehanittak nahip am ib kuɗumppa hee! Aɗinu? Na wanppa aɗi uug naunab digdig bekkunu daatteb amu, na ii doottem.

Sam 41:2

Yawe Nug danab amu dabmetta atognobob bau daakku. Ao, Nug geha danab amu, laa ag wan amuppa daatteb ele, amu oolagppanu ititta heeb, nug nuhikkud kekeɗ eppelagppa ii daama.