Prowerb 19:16 - Nobonob Baibel

¹⁶ Aun laa nug Yawenu ippunittak nai doya dim lamidtte ele, nug nukka nug bauklel nuhig dabma auta aotte; amge aun nug Yawe oɗe ii dim lamidtte, nug mauhkku.

Prowerb 19:16 Referans Kwoze

Luk 10:28

Awa a amu Jesus Nug amegppa aum. “Na tutukku ame, na anam henana, na bauklel hanhannu aokkut,” awa aum.

Prowerb 13:13

Aun nug Kayaknu ippunittak nai dimedakku amu, nug eheɗ hak amunu uug maokku; amge aun nug Kayaknu ɗonu ena doya, nai dim lamidkku amu, nug amunu nob ena aokku.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

1 Jon 5:3

Ig Kayaknu oonig mauhtte dayeb, ig nuhig haknunab anak dim lamidkkunig. Amuam oo mauhaknu diig aakku. Amu nuhig haknunab anak am uug iitta.

1 Jon 3:22

amu ig Nug aɗi keeke laanu oɗ medattem dayeb, Nug ig megatte. Aɗinu? Ig haknunab nai nuhig doot dim lamidta, kobol Nug oo niitte, amu ele ig hettem.

Prowerb 29:18

Danab ah ag Kayak nainu ippunittak ii aotteb amu, ag beɗulag, ahilag dabmak ele ag aɗi hekkulagnu eeɗatteh, ag amu aakku hetteb; amge laa ag Kayaknu ɗo dim lamidna oitteb ele, ag itittak ena aoppig daatteb.

Prowerb 21:23

Danab nug aɗi nai madittenu dabmetta auta aotte; nug uug naunab nuhigppa bemanu aakku hette.

Prowerb 16:17

Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

1 Korint 7:19

Gaɗa otaɗak amu keeke hamu; gaɗa ii otaɗak amu ele keeke hamu, amge Kayaknu haknunab anak dim lamidkkunignu am keeke okkai.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Eklisiastis 8:5

Aun nug kingnu haknunab anak dim lamidtte amu, nug guittak laa ii aoma; amu danab nug doyak dabmak ena ele, nug aɗi keeke hekkunu, nug amu haknu haen, amu haknu ippu ena ele dootte.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Esekiel 33:5

Nug trampetnu gayak doyom, amge nug nau aomanu keeke aɗitai laa ii heum. Nug anam heum amunu, nuhig mauhak am nug beɗuppa. Nug trampet gayeye, ena daakkunu dabma oololob, nug ena daalo, amge iitta.

Jeremaia 7:23

Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’

Prowerb 22:5

Ib laa, nau hak danab nug dim lamitta oitte amu, ib amuam ib uud keeke qaun ele, o ib laa pelem mak ele, am ib amubia daatte; amge laa nug nukka, nug nuhig oiyaknu dabmetta atognotte amu, nug nau hak danab dilag awaitta, uma daatte.

Prowerb 15:32

Danab nug tolitta bu mettak aokkunu uutte, nug nukka nuhignu ena iinab dootte; amge laa nug tolitta mettak awa dim lamidtte, nug diignu doyak tutukku aotte.

Sam 103:18

Nug laa ag nuhig tituanak nai doon dim lamidtteb, ag nuhig oo yaak nai ɗo bia ele dim lamidtteb amu, Nug ahilagnu anamib hette!

Job 5:2

Danab nug Kayak dab-ii-maama ii dim lamidtte ele, nug laanu oo elele ii doyak ge iitta doyeye, kobol amu nug he nauhtte. Ao, danab nug doyak ii awak ele nug laan keekenu ameg qe, oo elele ii daatte, kobol amu he, nug mauhtte.

Prowerb 21:16

Danab nug diignu doyak tutukku ii dim lamidtte; nug danab ag mauhppig, nug amu dilagnu ele daaglagnu hette.