Prowerb 19:13 - Nobonob Baibel

¹³ Danab bekka laa nug Kayak dab-ii-maama ii dim lamidtte amu, nug mameg he nauhtte; amu danab wau nug nai awa ona awa doak maditte, nug am le giɗo ii daaloppa toɗotoɗoedatte bia hette.

Prowerb 19:13 Referans Kwoze

Prowerb 27:15

Danab wau nug nai awa ona awa doak maditte, nug gu nak deɗppa le toɗotoɗoedatte bia hette; aun laa nug ah amu nug awa ona awa doak nai ii mattimanu hekku dayeb amu, nug ulah uukkunu hekku bia, o keeke goɗen oɗuittak daatte aɗakkunu hekku bia.

Prowerb 21:9

Danab nug lag laih laa, enanag iitta, aguppaib daatte dayeb, amuam nau iitta; amge danab nug lag meu ohppa wau ge iitta nai hak hette ele daattep dayeb, amuam nau.

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 25:24

Danab nug lag laih laa, enanag iitta, aguppaib daatte dayeb, amuam nau iitta; amge danab nug lag meu ohppa wau ge iitta nai hak hette ele daattep dayeb, amuam nau.

Prowerb 21:19

Atu taɗakppa dayaknu amu nau iitta; amge ah nug nai a ona, a doak ah, nug paha paha oo nauhtte, nug ele dayaknu amu, amuam nau.

Prowerb 17:25

Bekka laa nug Kayak dab-ii-maama ii dim lamidtte ele nug mameg guittak medatte; nug anig ooppa mua okkainab, kahipan aoɗom bia ele he bette.

Prowerb 17:21

Am danab laa bekka nug Kayak dab-ii-maama ii dim lamidtte dayeb amu, nug mameg am guittak dookku; aun nug nid Kayak dab-ii-maama ii dim lamidtte mameg daatte amu, nug maɗoɗppan gamag ahak nakok laa iitta.

Job 14:19

Le heehe, men oɗe daatteb. Ao, le wan ele mawa gotte. Anam amu, amubia na danab ag ⌊bau daaglagnu keeke aoglagnu⌋ dabmak aɗan oitteb ele amu, na he, dabmak amu iitta mette.

Prowerb 15:20

Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Prowerb 17:17

Aun nug layam genab daatte amu, nug haen oh layagnu oo mauhak dootte; amu awakkud amakkud ele, ag uug haenppa nug ehanittak daaglagnu aakku daatteb.