Prowerb 19:10 - Nobonob Baibel

¹⁰ Danab nug Kayak dab-ii-maama ii dim lamidtte ele nug enub huana ele daakku dayeb amu, ⌊nug nau bekku amunu,⌋ amuam ena iitta; anam amunu begbeg maɗi nid nug anuqak danab eɗatta, ahilag okkai daakku dayeb amu, ⌊nug uɗat amu ii doya, naunab hekku amunu,⌋ amuam ena iittanab.

Prowerb 19:10 Referans Kwoze

Prowerb 26:1

Sno, aam haenppa nekkunu ii daatte, ee aeg awak haenppa gu nekkunu am uug ele; amubia, danab ag Kayak dab-ii-menan ii dim lamidtteb ele, ag binalag aoglagnu am ena iitta.

Jems 4:9

Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!

Luk 16:23

Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Hosea 9:1

O Israel danab ah, ag aib gamag ahak dooppig. Ao, ag laa gamag ahak okkainab dootteb amu, ag gamag ahak amubia aib dooppig. Aɗinu? Ag ahilag Kayak ag ippuanattom bia Nug dim lamidkkulagnu uun hena, ag kayak hambuppuak dim lamidtteb; ag ib baag ah nug ee aeg mumuɗaknu abenppa uɗat nuhig haaha, men doɗo awa, gamag ahak dootte, amubia ag kayak hambuppuak dim lamidkkulagnu gamag ahak doon, kobol amunu ag oo mauhak dootteb.

Aisaia 3:5

Am danab anen anen ag lailkad dilagnu oo doyak iinab doomna. Iitta! Danab laa nug layag gai-iitta ele, nug nuhigppa eheɗ hekku. Danab laa am danab laa ele nug qekkulag. Ao, ag anen anen ag lailkad, mudippan laippu, eheɗ hattaglag. Nid bau ag danab kaino dilagnu, ag am binalag ele ii doona, ag oɗelag ii dim lamidmana. Amu danab laa ag dabmak nau beɗulagppa ambak ele, ag am danab dabmak ena ele, ag amu dilagnu ag binalag ele ii doona, aon aon aqaglag.

Esta 3:15

Am king nug nai haknunab ana, nai awa ukkak danab ag pahanab gona, nai mekkulagnu a, ag anam aakku heppig. Ɗo nai amu aab okkai Susa ooppa aben aɗ ɠagattagnab ele appa ele ebqeppig. Anam daye amu, king nug Haman ele aa le lakkulahnu heɗep neya daapiɗ, amge danab ah Susanu ag nai amu doyeg, ootot aqom.

2 Samuel 3:39

Kayak he, da goɗen gokkaɗakppa tituanak, da amuppa gemu king daattem, amge da am ɠagattag okkai iitta. Seruia bekoɗ imu aa am ɠagattag okkainab ele. Aa eheɗ hepiɗ amu, Yawe Nug eheɗ hak amu andatta, Nug eɗua ahilah eheɗ hak eleleppa nob matakkunu ool daatte,” awa aum.

1 Samuel 25:36

Dawit nug anam a amu, Abigel nug eɗua laugppa ukkom. Amu Nabal nug nuhikkud maɗi nid ele ag daanna, hobul naɗi, king hobul hetteb, amubia heppig. Ag amu lanana, Nabal nug gamag huana ahe, nug le la, qe, spak meum. Nug anam dayom amunu, Abigel nug Nabal ele nai laa ii madipiɗ; daye ukke wagɗom.

Prowerb 17:7

Danab nug Kayak dab-ii-maama ii dim lamidtte, nug nai ittag ele madikku dayeb amu, am ii mattilo bia maditte; anam amunu gumak danab laa nug hambuppuak nai madikku dayeb, genab, amuam nug iinab mattilo bia, nug maditte.