Prowerb 18:8 - Nobonob Baibel

⁸ Laa dilag dimug nai mattiaknu amu, danab ag nai amunu eenu miti enanag bia dootteb; ag enanag doon, toppua ukkaeg, oolag unuqagnab noeg, ⌊nauhak bette⌋.

Prowerb 18:8 Referans Kwoze

Prowerb 16:28

Danab eheɗ haknu nug tiigppa daatte, nug he, danab laa oolagppa nug qak ahatte; danab nug laanu dimug nai mattiaya oitte, nug laa ag layam ena daan oitteb amu he, ahilagppa uug be, layam ena pagutteb.

Prowerb 12:18

Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

Lewitikas 19:16

Laa baeg aib qeme. Na keeke laa heppe, diig amunu na layap nug mauhkkutai amu, na amu aib heme. Da am Yawe.

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Prowerb 18:7

Danab nug Kayak dab-ii-maama ii dim lamidtte ele nai atte amu, nai amu he, nug na qette. Ao, danab nug Kayak dab-ii-maama ii dim lamidtte ele nug nai atte, nai amu he, nug mauhaknu pelemppa tette.

Prowerb 18:9

Am laa nug nuhig uɗat mauhnoak, pehettak ii hette amu; nug am laa, nug keeke he nauhtte, nug nid amu amag bia aakku daatte.