Prowerb 18:23 - Nobonob Baibel

²³ Daɗek danab nug laa nug nuhignu oo gai-iitta doya oo metta ehanidkkunu oo doyakppa unuqidtte; amge enub danab nug baag ɠagattagppa nob mette.

Prowerb 18:23 Referans Kwoze

Jems 2:3

ag danab bala ena meum ele, nug atognonana, “Na dayak balal ena imuppa daye!” aon akkulag, amge ag daɗek danab amegppa, “Na unam hippaidna daakkut, o iitta na da baelppa honap inam heɗep nena daye!” aon akkulag dayeb amu,

Jems 2:6

Amge ag, da nai imu ahilagnu yaattem ele amu, ag daɗek danab heeg uɗalag nette. Ag dootteb, danab enulag ele ag heeg, ag Kristen ag aakku uug anidtteb. Danab enulag ele ag aakku eeɗatteg, hettoɗiak abenppa watteb.

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

1 Samuel 25:17

Ag anam heppig, amge ihinig danab okkai, nug am danab nau, laa nug ele nai mattiglahnu elele iitta, gemu nug kobol nau he, nug, nug baegppan ele, ig oh aakku naunab aognignu miag daattem. Ig nauhmut miag daattem amunu, na geha keeke amu ohnu na dabmekkutnu ool daatte. Na dabmena, na keeke aɗi hekkutnu elele amu, na hekkut.” Danab amu nug Abigel amegppa anam aum.

1 Samuel 25:10

Ag Nabal ameg mena, nug nai nob ma amelagppa akkunu daaegeg, nug amelagppa aum. “Ag Dawitnu appig amge, nug am aun? Ag Jesi bekkanu atteb, amge nug am aun? Gemu maɗi nid kuɗum ag danab okkai ahilkad uuadna oolna laih goppig daatteb.

1 Samuel 2:36

Keeke amu oh beeb, aun aɗi ag na buɗunadppa daaglag amu, ag oolagppanu laa nug uɗia, mana mettak danab da heppi daakku ele amu, ag anen anen nug noobppa dup nona, nug ag silwa toea laippu, amu bret gaɗa laa ele madakkunu oo doyakppa oɗ mettaglag. Oɗ mettan, ag anen anen akkulag, “Na hena, da mana mettak uɗat laa meɗappe heinne, da amuppa ee aolomnu, oɗ medattem.” Na buɗun ag anam akkulag.’ ” Kayak Nug nuhig danab oɗeppa Eli amegppa anam aum.

Rut 2:7

Amu gemu nug uɗia, nug da oɗ meɗa aum. ‘Da maɗi nid umu dim lamatte, bali ii aoeg daatteb amu, da aokkulnu elelete?’ Nug anam oɗ meɗe, da, ‘Yo,’ ai, nug aakku dad ooppa ukka, bali digma akka, ukku agakka oitte. Anam haaha, nug haen laippu haen tutuib pehppa hik awom,” awa aum.

Eksodas 5:2

Aa anam apiɗ, amge Paro nug aum. “Yawe am aun? Genab, Nug am aun amunu, da nuhig nai doyen, Israel danab ah uuadppi gokkulag? Yawe amu, da Nug ii doottem amunu, da Israel uuadppi iinab gomana,” awa aum.

Genesis 42:30

ag inam appig. “Isip dilag gabman okkai nug ig amenigppa nai ɠagattag mattiom. Ihinignu nug ig Isip wan attem daatte lokkumakppa atu italak danab bia heum.

Genesis 42:7

Ag Josep toppa ukkaeg amu, Josep nug ag doyattom, amge nug ag amelagppa, “Da ag doyadttem,” ii aum. Iitta. Nug nai ɠagattag ag amelagppa inam aum. “Ag adeppanu uɗippig?” awa aum. Nug anam a amu, ag appig. “Ig Kanan wanppanu, ee daden mekkunignu uɗimut,” appig.

1 King 12:13

Ag ukkaeg, King Rehoboam nug baag ɠagattagppa ag amelagppa nai mattiom. Nug danab kaino dilag ulum nai dab-ii-maama,

2 Stori 10:13

Ag ukkaeg, King Rehoboam nug baag ɠagattagppa ag amelagppa nai mattiom. Nug danab kaino dilag ulum nai dab-ii-maama,

Prowerb 19:7

Daɗek danab tiig laippu, ag nug guhuɗidtteb dayeb, laa ag nug laikkud, amge tiig laippu iitta, ag guhuɗidna autna aotteb. Ge, diig amunu daɗek danab nug ag ele laippu daaglagnu, oo doyakppa ag oɗ madakku, amge iitta, ag nuhig nai dooglagnu ii hemana.

Prowerb 22:7

Enub danab ag heeg, daɗek danab ag ahilag nai dim lamitteb; danab nug laa eppegppan lon aotte, nug danab amunu maɗi nid daatte.

Job 41:3

Lewiatan nug na nuhignu oot gai-iitta doon oot mettan ehanidkkutnu ii daye daye unuqidkkute? Ao, nug baag bodoettakppa na amenppa nai madikkute?