Prowerb 18:14 - Nobonob Baibel

¹⁴ Oɗe danab nug, “Kayak ehaniɗeb, eɗue bau ahakkul,” dootte dayeb amu, nug anam doyeb ukkeb ukkeb, oɗe amu iitta mekkunu ameg mak hekkunu elele; amge oɗe danab nug ooppa na qak dootte, nug, “Eɗua bau ahakkulnu elele iitta,” dootte dayeb amu, nuhignu am gadonnab, nug ehanittak adeppanu aokku?

Prowerb 18:14 Referans Kwoze

Prowerb 15:13

Danab laa nug oo gamag ahak dootte amu, iɗuppa amunu anttak aakku daatte; amge oo uug doyak, amuam he, danab nug ooppa na qak dootte.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

1 Pita 1:6

Gemu haen imuppa ag keeke digdigppa uug dooglagtai, amge ag ehanittak okkai amu aoglagnu daatteb amu, ag amunu maɗoɗppan gamag ahak okkai aotte.

Jems 1:2

O lailad, haen ag ma anttak digdigppa daatteb amu, ag amunu oolag aib ottaiom. Iitta. Ag maɗoɗppan gamag ahak doyeg!

Sam 147:3

Nug danab ah ag oo doyak okkai, naɗi dootteb ele ehanatte, ag eɗun, ena daatteb. Ao, Nug danab layag baegppa ihi keeke ele itatte bia, Nug ag atognoadtte.

2 Korint 2:7

Amunu uug naunab danab amu tonamanu, ag bu mettak amu uuna, ag nuhig hipunin amu uhuqna mettan, ag oo mekkunu nug oo aweg!

Sam 109:22

Da am daɗek, keekenu tutu mak dayeye, da oolppa guittak naɗi ele doottem amunu, na anam hekkutnu oɗ medattem.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Sam 55:5

Da baɗe, hahaɗttem. Ao, da uug amu oh antten, ameg iɗuak dooi, toniɗom daatte.

Job 6:4

Laa Nukka Ɠagattag Oh Ele amu, nuhig lat doɗo da iwom. Amu lat doɗo aegppan leppu nau da ouɗilppa ukkom daatte. Ge, Kayak he, da baɗak eheɗ nau doottem.

Eksodas 6:9

Moses nug nai amu Israel amelagppa aum, amge ag nai nuhig amu, ag amunu nai genab ii dooppig. Aɗinu? Ag uɗat eheɗ nau, ɠagattag heppig, ahilag dabmak ele am qe nak dayom.