Prowerb 18:1 - Nobonob Baibel

¹ Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Prowerb 18:1 Referans Kwoze

Prowerb 20:3

Danab nug laikkud ele nug mehqak ii hemanu hette ele, laa ag nuhignu ena doon, binag metteb; amge danab ag Kayak dab-ii-menan ii dim lamidtteb, ag am nai a ona, a doak paha hetteb.

Jeremaia 15:17

Amu da danab ag oo gamag ahaknu qagmak muttub qak eleppa daatteb amu, da ag ele amuppa ii daamut. Da ag ele daata, ool gamag ii ahom. Na da nahip nai dookkulnu otiɗna hee, danab ah dilag eheɗ haknu oppoɗi bak doomi amunu, da ag uuatten, da dakka daami.

Prowerb 24:21

O bekkal, na Yawenu, kingnu ele ebehin oh bodoetta le maɗ! Na nai tappe nak danab ele laippu aib tamanin daame.

Jut 1:19

Danab amu, ag tamaniak ooppa anam heegeg, tamaniak ag oppatna laih laih daatteb. Danab amu ag oolagppa Kayak Ouɗi iitta, ag wanppan danab dilag dabmak amuib dim lamidtteb.

Mak 1:35

Aria, wagɗe buttuanab Jesus Nug lakkanu aha, aab uua, aben danab haen oh ii daattebppa ukka, unuqittatta dayom.

Prowerb 14:10

Nahip oo gamag ahak, oo uug doyak ele, amuam nakka nahip keeke; laa nug na doottem bianab dookkunu elele iitta.

Matyu 13:44

Jesus nai anam mattiowa, Kayaknu ɗo maɗoɗnu, keeke danab dootteb ii dootteb ele ouaqata, ippuanatta, imu mattiom. Mattiaya Nug aum. “Kayaknu ɗo maɗoɗ am enub okkainab ele dad okkaippa lokkumak dayom, am amubia. Danab laa nug enub amu antta, baula awa lokkumowa, nug gamag ahak okkainab doya, nug nukka keeke nuhig oh me, daden meeg, men doɗo amu awa ukka, nug wan amu daden meum.

Prowerb 26:17

Danab nug qai daug laplap aɗalat-tte, amuam ena iitta; amubia, danab nug ugakka, laa dilag nug mehqak amu ooppa nokku, amuam ele ena iitta.

Eksodas 33:16

Aɗinu? Na ig ele anam ii gopput amu, danab ah huu laa ag na dahilnu ena doottem, am nahipad danab ah dilagnu ele ena doottem amu, ag amu attem dooglagnu elele? Na ig ele, elele anam ii gopput amu, ib adekkuppa danab ah huu laappanu ag dahilnu, nahipad danab ah dilagnu ele, ig am danab ah huu laa dooglag?” awa aum.

Prowerb 20:19

Laa dimug nai maditte amu, nug nai ii mattimanu daatte ele aakku maditte; amunu danab aun nug nai ge iitta maditte ele, nuhignu awaidna daye!

Prowerb 17:14

Digma nug aittak haknu, amuam le ettakppa, le noa gokkunu oɗe hak daatte bia, nug aittak amu paha naɗi mekkunu daatte; diig amunu nug mehqak ukka naɗi memanu, paha heppeg iitta maɗ!

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Mak 4:11

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laala, ag dahil nai dim ii lamidtteb, ag nai danab nug keeke danab ag dootteb ii dootteb ele ouaqata ippunadtte, nai amuppaib anidtteb.

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Sekaraia 7:3

Ag Yawe amunu unuqidkkulagnu otiadna, laa am ag propet danab, Yawe Nukka Ɠagattag Oh Ele laugppanu mana mettak danab ele keeke laanu oɗ mattaglagnu ele maatteg uɗippig. Ag oɗ mattan inam akkulagnu appig. “Ig Betel amu, ig maɗ kuɗum uɗie uɗie, gemu ele ig deɗ kekeɗ ag Kayaknu Mettid lag heeg nauhom, ag amu kalam tanig eleppa heppig amu, deɗ amuppa ig mahiak hetata, ee ohnu kud meta daattem, amge ig amu tuɗitta hekkunig am enate, o iittate? Ag appeg doognignu oonig daatte,” appig.

Prowerb 3:21

O bekkal, na hanhan epeɗia ha dabmak ena awak, aria oo maittak awaknu ehah eleppa oinna, dabmena autna awe! Na keeke aɗit amunu aibnab daut atiom!

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

Duteronomi 14:6

Ag doɗ eppeg baeg di ele gamagppa obatak ele, amu ee eɗua kele be, eɗua latte ele, doɗ amu ag lakkulagnu elele,