Prowerb 17:6 - Nobonob Baibel

⁶ Alalkad nid daatteb, ag am alalkad kaino dilag king haɗ bia daatteb; amu nid ag anilkad mamelkad dilagnu, “Ag binalag ele,” dootteb.

Prowerb 17:6 Referans Kwoze

Prowerb 16:31

Umimi bak am king haɗ enanagnab, king onig medatte, amubia danab, o ah onig medatte; bau dayak elab amubia amu, amuam genab tutukku hak ibuppanu nob ena.

Prowerb 13:22

Danab ena, nuhig aug amu, nug mauhakppa ukkeb, aug amu paha ii iitta mema. Dayeb ukkeb, alakkud aoglag; amge hipunin danab aulag ag qagmetteb ele, genab tutukku hak danab ag aoglag.

1 King 15:4

Amge Yawe, Dawitnu Kayak, Nug Dawitnu dabmak anuqak awawa, nug buɗubppanu danab laippu laa nug Nug noobppa haen oh Jerusalem appa king daakkunu Nug he, Abaiya nug bekka ⌊king daakkunu⌋ menue daye, Yawe Nug ele he, Jerusalem ɠagattag dayom.

1 King 11:12

Amge geha na bau daattem, haen imuppa amu, da na uɗat amuppanu na ii aɗidpa. Am aɗinu? Da na mamen Dawitnu dabmak anuqak aottem. Na mauhppe, na bekkat nug king ba daakku, haen amuppa geha da nuhig king dayak uɗat amu loppaɗkkul.

Genesis 50:23

Nug Epraim dokkiab anttom. Amu Manase bekka onig Makir, nug bekkod menuatte, Josep nug diie, nug baekkudppa ele daappig.

Genesis 48:11

Ootuqatowa amu, nug Josep amegppa aum. “Anukka dahil dabmakppa da na iitta doomi, amge Kayak Nug he, gemu da naib ii anidttem. Iitta! Da na, amu na begapaɗ ele anadttem,” awa aum.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.