Prowerb 17:27 - Nobonob Baibel

²⁷ Danab nug doyak ena ele nug nai kuɗum ii maditte; danab nug diignu doyak tutukku ele, nug oppoɗi paha ii bette.

Prowerb 17:27 Referans Kwoze

Jems 3:18

Danab ag maɗoɗ ikki daatteb amu, ag am danab ee eppowa meu aotte, amubia meu laa, amuam genab tutukku hak kobol, meu amu aotteb.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Prowerb 10:19

Nai huana mattiakppa amu, hipunin ele appa ana daatte; amge laa nug nai huana ii maditte, nug am doyak dabmak ena ele.

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

Prowerb 15:28

Genab tutukku hak danab ag tatam dabmewona, ag nai nob metteb; amge nau hak danab ag nai eheɗ kuɗum maditteb.

Eklisiastis 9:17

Danab ag doyak dabmak ena ele ag qinonob nai madippeg, danab ah ag nai amu dooglag, am enanag; me okkai danab, ag Kayak dab-ii-menan ii dim lamidtteb ele, ag baalag okkaippa madippeg, danab ah dooglag, amuam ena iitta.

Prowerb 16:32

Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.