Prowerb 17:25 - Nobonob Baibel

²⁵ Bekka laa nug Kayak dab-ii-maama ii dim lamidtte ele nug mameg guittak medatte; nug anig ooppa mua okkainab, kahipan aoɗom bia ele he bette.

Prowerb 17:25 Referans Kwoze

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 19:13

Danab bekka laa nug Kayak dab-ii-maama ii dim lamidtte amu, nug mameg he nauhtte; amu danab wau nug nai awa ona awa doak maditte, nug am le giɗo ii daaloppa toɗotoɗoedatte bia hette.

Prowerb 15:20

Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Prowerb 17:21

Am danab laa bekka nug Kayak dab-ii-maama ii dim lamidtte dayeb amu, nug mameg am guittak dookku; aun nug nid Kayak dab-ii-maama ii dim lamidtte mameg daatte amu, nug maɗoɗppan gamag ahak nakok laa iitta.

Prowerb 29:15

Tolittak, bu mettak ele he, nid nug doyak dabmak ena ele daatte; amge nid nug tolittak, bu mettak ele ii aotte amu, nug he, anig nug uɗa nak nau guittak ele aotte.

2 Samuel 19:1

Dawit nug Apsalomnu qanene, laa nug Joap amegppa aum. “Dawit nug Apsalom mahitta qanatte,” awa aum.

Prowerb 23:25

Na mamen anin ele nahipnu oo gamag ahak dooglahnu, na anam oiye! Ao, na anin nahipnu dabma, oo gamag ahak aokkunu ib mette.