Prowerb 17:23 - Nobonob Baibel

²³ Nau hak danab nug lokkumakppa eheɗ haknu ehanittak aotte; nug hettoɗiak haenppa nai doya mala hettoɗia epeɗia elele mettak elele ii bemanu anam hette.

Prowerb 17:23 Referans Kwoze

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Prowerb 17:8

Danab laa nug lokkumakppa eheɗ haknu ehanittak laa mette, laa nug oɗe dim lamidtte; laa amu hette amu, nug attem attem hette, am enaib he bette ⌊bia dootte⌋.

Eksodas 23:8

Danab nug hettoɗiakppa nai hambuppuak genab daakkunu lokkumakppa eheɗ haknu ehanittak mattaknu ab amu, aria ag men doɗo amu aib aoppig. Aɗinu? Kobol anam, amuam he, hettoɗiakppan danab okkai dilag dabmak, amu danab laa dilag dabmak ele he kaboliattette, genab tutukku hak danab dilag nai ele he, kaliak daatte.

Duteronomi 16:19

Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Esekiel 22:12

Ag Jerusalem danab ah, ag oolagppan laa ag laa men doɗo mattaeg, ag laa aqaeg mauhtteb. Ag Jerusalem danab ah, ag lailkad lon mattan, ag lonnu intres digdig aotteb. Ge, ag gane medappig, amu eɗittak laa eɗun aotteb. Ag Jerusalem danab ah, ag mudippan laippu ele keeke lokkumakppa awaknu duttuna hak kobolppa ag eppelagppanu men doɗo keeke aotteb; amuppa ag keeke ii aolob aotteb. Ge, ag Jerusalem danab ah, ag dahilnu daulag atiom oitteb.’ ” Naɗi Yawe Nug anam atte.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Prowerb 21:14

Laa oo nauhak dootte dayeb, keeke nuhig daakkunu lokkumakppa nug mettak amu, amuam he, oo nauhak bodoedatte. Ao, laa oppoɗi bak dootte dayeb, keeke nuhig daakkunu lamen waappa ma, awa ukka, nug mettak amu, amuam he, oppoɗi bak okkai aakku oug mette.

Prowerb 18:16

Am na danab okkai anidkkutnu gona, nug ena dookkunu na keeke nuhig daakkunu hamu mettaknu aon gokkut; keeke amuam heeb, na nug gumidna gokkut.

1 Samuel 12:3

Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.

1 Samuel 8:3

Aa anam hepiɗ, amge aa mamelah ippu ippuanatom ele amu, aa ib amu ii dim lamidpiɗ. Iitta. Aa men doɗo ib ena iittappa aoglahnu hepiɗ. Aa danab ag epeɗiak uɗat hekkulahnu uɗippig, haen amuppa aa lokkumakppa eheɗ haknu ehanittak aopiɗ. Aa nai doya mala hettoɗia epeɗia elele mettak kobol amu, aa amu dab-ii-mepiɗ; aa men doɗonu aakkuib dabmepiɗ. Diig amuppa amu, aa epeɗiak tutukku iinab hepiɗ.

Eklisiastis 7:7

Danab nug doyak dabmak ena ele, amge nug kobol nauppa danab laa eppelagppan en aokku dayeb, nug aakku eɗua, danab nug Kayak dab-ii-maama ii dim lamidtte ele daatte; laa amu, lokkumakppa eheɗ haknu ehanittak mettak am he, laa aotte ele nug oo kaliak daatte.

Aisaia 5:23

Amu hettoɗiak dilag okkai danab ag danab eheɗ heppig ele eppelagppanu lokkumakppa eheɗ haknu ehanittak laa ag aon heeg, laa eheɗ heppig ag hamu gotteb ele, ahilagnu am gadonnab gadon. Ao, hettoɗiak dilag okkai danab ag laa eheɗ heppig amu, ag ii epeɗina heeg, hamu gotteb, amge danab ag eheɗ ii heppig ele, ag nob madatteb, hettoɗiak dilag okkai amu, ahilagnu gadonnab! ⌊Ag padal mekkulag.⌋

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Maika 3:9

Ag Jakop buɗub dilag danab okkai ag daulag human, nai imu doyeg! Ao, ag amu dilag gumak danab, ag daulag human, nai imu doyeg! Ag danab okkai, ag nai doya mala hettoɗia epeɗia elele mettak kobolnu ena iinab dootteb. Ao, ag danab okkai, ag kobol genab tutukku ele oh aona, ag heeg, kaboliak dayeye, kaliak okkai aakku daatte.