Prowerb 17:21 - Nobonob Baibel

²¹ Am danab laa bekka nug Kayak dab-ii-maama ii dim lamidtte dayeb amu, nug mameg am guittak dookku; aun nug nid Kayak dab-ii-maama ii dim lamidtte mameg daatte amu, nug maɗoɗppan gamag ahak nakok laa iitta.

Prowerb 17:21 Referans Kwoze

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 19:13

Danab bekka laa nug Kayak dab-ii-maama ii dim lamidtte amu, nug mameg he nauhtte; amu danab wau nug nai awa ona awa doak maditte, nug am le giɗo ii daaloppa toɗotoɗoedatte bia hette.

Prowerb 17:25

Bekka laa nug Kayak dab-ii-maama ii dim lamidtte ele nug mameg guittak medatte; nug anig ooppa mua okkainab, kahipan aoɗom bia ele he bette.

Prowerb 15:20

Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Genesis 26:34

Aisak bekka Esau nug maɗ 40 dayaya, nug Hit ah aɗit, laa Beri aɗeg onig Judit, laa Elon aɗeg onig Basemat, nug ah aɗit amu oh diiatom.

3 Jon 1:4

Ao, dahilad nid ag haen oh doyak diig genabib dim lamidna oitteb doyen amu, da maɗoɗppan gamag ahak okkai aottem; maɗoɗppan gamag ahak laa am maɗoɗppan gamag ahak amu eɗidkkunu elele iitta.

2 Korint 2:3

Da nai matu ahilagnu yaami amu, da diig imunu yaami. Ag da maɗoɗppan gamag ahak meɗaglagnu daatteb, amge ⌊ag uug laala ii bappaidppeg da ahilagppa golom amu, da oolppa uug doolom amunu,⌋ haen da ukken, ag uug laala ii bappaidppig anttena, da oolppa uug doopanu nai amu yaami. Ahilagnu amu, da ag aɗi kobol tutukku hekkulagnu maɗoɗppan gamag ahak meɗatte dootteb amu, da ag ele amunu maɗoɗppan gamag ahak dootteb genab doomi.

2 Samuel 18:33

King Dawit nug nai amu doya, nug eheɗ ottaiom. Nug ottaia, nug aha, nug aben amu uua, oo laa od attan dayom amu, nug amuppa ukka ta, gayom. Nug aguppa tekkunu taata, nug inam mahittom. “O da bekkal Apsalom! O da bekkal Apsalom! Da na abenam awen mauhlom am ena. O Apsalom, da bekkal, da bekkal,” awa mahittom.

1 Samuel 8:3

Aa anam hepiɗ, amge aa mamelah ippu ippuanatom ele amu, aa ib amu ii dim lamidpiɗ. Iitta. Aa men doɗo ib ena iittappa aoglahnu hepiɗ. Aa danab ag epeɗiak uɗat hekkulahnu uɗippig, haen amuppa aa lokkumakppa eheɗ haknu ehanittak aopiɗ. Aa nai doya mala hettoɗia epeɗia elele mettak kobol amu, aa amu dab-ii-mepiɗ; aa men doɗonu aakkuib dabmepiɗ. Diig amuppa amu, aa epeɗiak tutukku iinab hepiɗ.