Prowerb 17:14 - Nobonob Baibel

¹⁴ Digma nug aittak haknu, amuam le ettakppa, le noa gokkunu oɗe hak daatte bia, nug aittak amu paha naɗi mekkunu daatte; diig amunu nug mehqak ukka naɗi memanu, paha heppeg iitta maɗ!

Prowerb 17:14 Referans Kwoze

Prowerb 25:8

Na paha paha nai laa aon, hettoɗiakppa aib meme; na anam hekkut dayeb, dimppa nahip mudippan laippu nug heeb, nahip nai am hambuppuak, anam miag atieb amu, na attem hekkut?

Prowerb 20:3

Danab nug laikkud ele nug mehqak ii hemanu hette ele, laa ag nuhignu ena doon, binag metteb; amge danab ag Kayak dab-ii-menan ii dim lamidtteb, ag am nai a ona, a doak paha hetteb.

1 Tesalonaika 4:11

Amu anukka ig ag amelagppa amut, amubia ag dabmak tutukku aona, ag toettan daana, ag ahilag keeke tutukku hena, ag akka eppelagppa uɗat heig!

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Rom 12:18

Maɗoɗ dayaknu amu, ag aɗi aɗi heppe, maɗoɗ ba daakkunu daatte amu, ag amu henana, laa dilag ele maɗoɗ daaglagnu ib daatte ele, ag ib amu dim lamitteg!

Prowerb 29:22

Danab nug oo nauhak danab daatte, nug he, nug mehqak bette; danab nug paha oppoɗi be ameg kokoɗ ebatte amu, nug hipunin kuɗum hette.

Prowerb 26:21

Aab o hamad aab aɗuppa eokkunu aabppa metteb; amubia, nug mehqak danab nug nug qak digmette.

Prowerb 17:19

Aun nug aittaknu oo mauhtte, nug hipunin haknu ele oo mauhtte; aun nug dada nai maditte, nug na qekkunu hette.

Prowerb 16:32

Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

2 Stori 28:6

Deɗ laippuppa Remalia bekka Peka, nuhikkud daup ele ag Juda dilag daup 120,000 aqaeg mauhppig. Amu beumnu diig am, Juda danab ah ag Yawe, ag mamelkad aɗi dilag Kayak, ag Nug dimettan, Nug uuppig.

2 Stori 13:17

Abaiya nuhikkud daup ele ag Israel dilag daup huanaknab aqappig. Ag Israel dilag daup 500,000 aqaeg mauhppig. Daup mauhppig ele amu, ag am ban haknu elelenab daappig.

2 Samuel 19:41

Ag anam heeg, haen elab iitta Israel laa ag ahan, king toppa uɗin, nug amegppa appig. “Aɗinu Juda danab, ag ig ele oh, ig awag amag ele amu, aɗinu ag yab danab hetteb bia heegeg, ig ii dooutut, ag na, na am ihinig king amu, ag na, na baenadppa, nahipad ban danab ele omaladna Jodan le mataɗna uɗippig?” aon oɗ medappig.

Prowerb 19:11

Danab nug doyak dabmak ena ele daatte amu, doyak dabmak ena amuppa nug oo maɗoɗ ele dayak danab daatte; haen danab laa nuhigppa eheɗ he, nug eheɗ hak amu uhuqa medatte, kobol amunu danab ah ag nug binag metteb.