Prowerb 17:11 - Nobonob Baibel

¹¹ Eheɗ hak danab nug nai tappe nak hanhan hekkunu ib maditte; amge nug bu okkainab aokku.

Prowerb 17:11 Referans Kwoze

2 Samuel 18:15

Joap nug anam he, Apsalom nug mauhkkunu heehe, Joapnu ehanittak danab eblaih tanig ele, ag nuhig bannu keeke maoppig ele amu, ag Apsalom talilidna daanna, ag qeeg, nug aakku mauhom.

1 King 2:46

Aria, Solomon nug anam ana, nug Jehoiada bekka Benaia, Simei qeeb mauhkkunu amegppa aum. A amu, Benaia nug ukka, Simei qe mauhom. Amu Solomon nug gemu king daakkunu ehah am, nug eppegppa ɠagattag dayom.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Matyu 21:41

Jesus Nug anam a amu, ag appig. “Nug maɗi nid nau amu aqa aut autanab aweb mauhkkulag. Mauhppeg, nug grep dad amu eɗua awa, dad gumak danab laa eppelagppa meeb, dimppa ag meu ena haenppa aon mettaglag,” aon appig.

1 King 2:31

A amu, king nug Benaia amegppa aum. “Anam amu, nug oo daatte bia appa nug daatteppa, na nug qeppe mauheb, gaɗa aon gona boume! Joap nug danab ag eheɗ ii heppig, nug hamu aqe mauhppig amu, kobol nau amunu da mamel nug uug amu mawom, gemu da ele maottem. Amunu na nug qeppe mauheb, eheɗ hak amunu uug am baula da, da mamel buɗub ele, ihinigppa ii daama.

2 Samuel 20:22

Ah nug anam awowa, nug eɗua ukka, ulum nai doyak dabmak ena ele aab amuppan danab ah amelagppa a, ag ahan, Bikri bekka Seba duug ona, ikki okkulna, buɗieg, aɗ dimittim Joap aokkunu noum. Ag anam heeg, Joap trampet iwale, nuhikkud daup oh ag ahan gona, appalkad diigppa anen anen goppig. Ag anam ukkaegeg, Joap nug King Dawit anidkkunu Jerusalem teum.

2 Samuel 20:1

Amu danab laa onig Seba, nug Benyamin ted, Bikri bekka, nug appa dayom. Nug hanhan he, uug digdig bettom, amu nug appa dayaya, Juda dilag nai doya, nug trampet iwalala eum. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. O ag Israel danab laa, da ag ele ig oh ahat, ig appanig diigppa gotu,” awa aum.

2 Samuel 18:19

Am Sadok bekka Ahimas nug Joap amegppa aum. “Na appe, da qaietten ukken, Yawe Nug King Dawit ehanitte, nug nuhikkud kekeɗ eppelagppa ii daatte appi dookku,” awa aum.

2 Samuel 15:12

Amu ag oh Hebron daanna, Apsalom nug mana mettak hattatta, nug Gilo ted laa Ahitopel, nug appag diig Gilonu aha, Hebron uɗia ehanidkkunu nai me ukke uɗiom. Ahitopel nug nuhig aab ikki am Gilon. Nug Dawitnu dabmak mettak danab laa dayom, ⌊amge nug matu lokkuma Dawit dimetta, Apsalom dim lamittom⌋. Apsalom nug anam heehe, danab baubau ag Apsalom nug mameg King Dawit lamitta, king aben awa, king daakkunu dabmak aoegeg ukke, kuɗum ag uɗin, Apsalom dim lamidppig.

Prowerb 17:10

Am danab nug laa diignu doyak tutukku ele daug batakku amu, laa amu nug ena oikkunu oo maittak okkai aokku; amge danab nug Kayak dab-ii-maama ii dim lamidtte ele amu, laa nug nug bu medakku dayeb, nug ena oikkunu oo maittak nakokib aokkutai.

Prowerb 17:12

Bea anig laa, nug nakkud oh danab laa diia ukke, bea anig nug oppoɗi bak huana dootte ele, na bea anig amu gukkuidna ii wakkutoitte. Am nau; amge na danab Kayak dab-ii-maama ii dim lamidtte ele nug Kayak dab-ii-maama hak kobol haaha daatte uɗa tekkut dayeb, amuam naunab nau.

Prowerb 24:21

O bekkal, na Yawenu, kingnu ele ebehin oh bodoetta le maɗ! Na nai tappe nak danab ele laippu aib tamanin daame.