Prowerb 16:8 - Nobonob Baibel

⁸ Danab laa nug genab tutukku hak danab, me nug am en nakokib ele. Nug en nakokib ele, amge nug am genab tutukku hak danab amunu, nug ena daatte; amge danab laa nug nai doya mala hettoɗia epeɗia elele mettak dim lamittak danab iitta, me nug en okkainab ele. Nug en okkainab ele, amge nug am eheɗ hak danab amunu, nug am ena ii daatte.

Prowerb 16:8 Referans Kwoze

Prowerb 15:16

Danab nug Yawenu ebehi oh bodoetta le mette dayeb, nug keeke kuɗum ele iittatai, me nug Yawenu ebehi oh bodoetta le mette amunu, amuam ena; amge danab nug en okkai ele daatte dayeb, ⌊me nug Kayaknu ebehi oh bodoetta le ii mette amunu,⌋ nug daatteppa nug qak daatte, amuam ena iitta.

Sam 37:16

Genab tutukku hak dim lamittak am enaib. Laa nug genab tutukku hak danab dayaya, keeke nakoknabib eppegppa aɗakkutai, amge nug genab tutukku hak danab daatte amunu, nug enanag daatte. Amge nau hak kobol dim lamittak am nauib. Laa nug nau hak danab dayaya, enub okkai eppegppa aɗakkutai, amge nug am nau hak danab daatte amunu, nug nauib daatte.

Jeremaia 17:11

Danab laa nug laa dilagppa kobol eheɗ ha, en okkai aotte, nug am ai patris ai laanu oppa tona makkultte, nug amubia daatte. Nug enub ele haen elab ii daama. Iitta. Ai laan oppa patris makkulom ele, ai amu ag paha patris uuna, hagagaɗna gokkulag, amubia enub amu iitta mekku amunu, danab nug en kobol amuppa awom ele, laa ag nuhignu nug am danab Kayak dab-ii-maama ii dim lamidtte ele dooglag.” Yawe Nug anam awa atte.

Maika 6:10

Ag Juda danab ah ag nau hetteb ele, ag danab laa dilag keeke ib tutukku iittappa aon, ahilkad en daatte amu, da kobol ahilag amu hamu daul atikkunu dabmettebte? Ag melemel tutukku iitta, melemel amubianu da naunab nau doottem amu, ag melemel amuppa keeke meegeg daden metteb, am da kobol eheɗ amu ele hamu daul atikkunu dabmettebte?

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Prowerb 16:9

Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Eklisiastis 4:6

Danab nug ee nakokib maɗoɗ ele latte amu, amuam ena; danab nug uɗat bodok iitta, hamu hamu ulah aɗakkunu, ulah dim lamittak bia haaha, ee okkainab latte, amuam ena iitta.

Prowerb 15:17

Aɗit laa aa keh gehiak aakkuib lakkulah dayeb, me aa oolahppa oo mauhak kobol daatte amu, amuam ena; amge aɗit laa aa teppu enanag lakkulah dayeb, me aa oolahppa layagnu nau ninig ele doyak daatte dayeb, amuam ena iitta.

Prowerb 17:1

Lag laappa maɗoɗ dayeye, danab nug bret maha qaɗaiettomib latte, me nug maɗoɗppa daatte amunu, nuhignu am ena; amge lag laappa nug qak dayeye, danab nug ee hobul naɗi latte, me nug, nug qakppa daatte amunu, nuhignu am ena iitta.

Prowerb 28:6

Laa daɗek danab daatte, amge nug Kayaknu neekkakppa danab ooppa kaliak laa iitta ele daatte, amuam enanag; amge laa nug danab enub ele, me nug danab nug eheɗ haknu tiigppa daatte, amuam naunab.