Prowerb 16:7 - Nobonob Baibel

⁷ Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Prowerb 16:7 Referans Kwoze

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

1 Jon 3:22

amu ig Nug aɗi keeke laanu oɗ medattem dayeb, Nug ig megatte. Aɗinu? Ig haknunab nai nuhig doot dim lamidta, kobol Nug oo niitte, amu ele ig hettem.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

2 Stori 17:10

Amu Yawe Nug he, wan Juda talilidna daappig ele, amuppan danab ah ag Yawenu ɠagattagnu baɗan, ag Jehosapat, Juda ele banelag ii goppig.

Jeremaia 15:11

Da anam ami, amge Yawe Nug da amelppa aum. “Genab, na ena hekkutnu da ehanidppi, na ena hekkut. Genab, uug nau laa, o uug naunab laa bekkunu haenppa, haen amuppa da heppi, nahipad kekeɗ amu ag na ehanadkkutnu, oo doyakppa unuqidkkulag,” awa aum.

Genesis 33:4

Jakop anam he amu, Esau nug qaiqaɗ gumitta uɗia oɗokkia, ootuqitte, aa oh gaapiɗ.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Kolosi 3:20

Amu nid naunau ag keeke ohppa ag anilkad mamelkad oɗelag dim lamitteg! Aɗinu? Naɗi Nug kobol anamnu ooppa ena dootte.

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

Sam 69:31

Da amu heppi, Yawe Nug makau okkai ebehi ele laa manan medattebnu ena dootte amu, Nug ena doyak amu eɗittak, Nug enanag dookku. Ao, da anam heppi, Nug makau dawai, qeqeɗi, baeg di ele medattebnu ena dootte amu, Nug ena doyak amu eɗittak, Nug enanag dookku.

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

1 Pita 3:13

Aria, na kobol enaib heppe amu, danab laa nug na eheɗ laa ii heidma bia,

Eksodas 3:21

Amu da geha heppi, Isip danab ah ag, ag Israel ahilagnu ag ii helob bia me, ag ehanadkkulag amunu, haen ag Isip uun gokkulag, ag hamu iinab gomana.

Prowerb 3:17

Doyak dabmak ena ele ippu amu enaib. Ge, nug ib atten attenppa danab ah diiadtte amu, danab ah ag maɗoɗib doon oitteb.

Prowerb 16:8

Danab laa nug genab tutukku hak danab, me nug am en nakokib ele. Nug en nakokib ele, amge nug am genab tutukku hak danab amunu, nug ena daatte; amge danab laa nug nai doya mala hettoɗia epeɗia elele mettak dim lamittak danab iitta, me nug en okkainab ele. Nug en okkainab ele, amge nug am eheɗ hak danab amunu, nug am ena ii daatte.

Jeremaia 39:12

“Ag Jeremaia mattin anidna, ag nug aon, nug atognoig! Ag nug guittak nakok laa aib medappig. Nug ag nuhignu aɗi hekkulagnu ag amelagppa ab, ag aum bia heig!” awa aum.

Jeremaia 42:12

Amu Nug inam ele atte. ‘Da ahilagnu ool doyeb, ool matten heppi, Babilon dilag king nug ele ahilagnu oo doya, oo matta ehanattatta, nug ab, ag eɗun wan daappigppa daaglag.’ Yawe Nug anam awa atte.

Daniel 1:9

Amu Kayak Nug matu he, danab okkai amu nug Danielnu oo ena daye, nug Danielnu oo ele doyom,

2 Stori 20:30

Kayak Nug he, Juda dilag kekeɗ oh ag toettan daappig amunu, Juda wan, Jehosapat gumom amu, amuppan danab ah ag maɗoɗ ele daappig.

Esra 8:36

Ag doɗ amu manadna, Yawe mettona, ag pas laa Persia dilag king nug Esra mettom, amuppa kingnu haknunab nai daye amu, ag amu aon gona, Persianu prowins Yupretis lenu qaban uɗitteppanu gawana madappig. Ag mattaeg, danab amu ag pasppa yaak aumbia, ag danab ah dilag, Kayak laugnu ehanittak ele ag madappig.