Prowerb 16:27 - Nobonob Baibel

²⁷ Am danab naunab nug eheɗ hekkunu maittak awawa oitte; nuhig nai amu aab aɗu huana ewawa, keeke he nauhtte, amubia bette.

Prowerb 16:27 Referans Kwoze

Jems 3:6

Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

Prowerb 6:14

Ao, nug ooppa hambuppuak dayeye, nug eheɗ hekkunu maittak aotte; nug danab ah oolagppa hanhan kaboliak daakkunu heehe, nug qak daatte.

Aisaia 5:18

Danab ah aun aɗi ag hipunin hekkulagnu ib digdig maditteb ele, ahilagnu am gadonnab gadon! Ao, danab ah aun aɗi ag nau hekkulagnu wagai men oitteb amu, ahilagnu am gadonnab! ⌊Ag padal mekkulag.⌋

Prowerb 6:12

Am danab nug aɗi keeke ena ii hette, nug nau hak danab daatte, nug aha oiyaya, nug nai diig ena iitta, uɗig uuak ele maditte.

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

1 Samuel 25:17

Ag anam heppig, amge ihinig danab okkai, nug am danab nau, laa nug ele nai mattiglahnu elele iitta, gemu nug kobol nau he, nug, nug baegppan ele, ig oh aakku naunab aognignu miag daattem. Ig nauhmut miag daattem amunu, na geha keeke amu ohnu na dabmekkutnu ool daatte. Na dabmena, na keeke aɗi hekkutnu elele amu, na hekkut.” Danab amu nug Abigel amegppa anam aum.

Prowerb 2:4

na silwa mattin anidkkutnu wagai mettem bia, na amu oh aokkutnu hekkut dayeb, ao, na en okkai lokkumak daatte mattin anidkkutnu wagai mettem bia, na amu oh aokkutnu hekkut dayeb,

2 Samuel 20:1

Amu danab laa onig Seba, nug Benyamin ted, Bikri bekka, nug appa dayom. Nug hanhan he, uug digdig bettom, amu nug appa dayaya, Juda dilag nai doya, nug trampet iwalala eum. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. O ag Israel danab laa, da ag ele ig oh ahat, ig appanig diigppa gotu,” awa aum.

Habakuk 2:13

Yawe Nukka Ɠagattag Oh Ele Nug dabmak awe ɠagattag eppe, inam dabmette. “Wanppan danab ah dilag uɗat okkai am hamu iite iitta mema. Ao, wanppan wannu danab uɗat naɗi okkai hetteb, amge uɗat amu ohnu meu am hamu iite iitta mema?”

Prowerb 16:26

Danab nug uɗat ha, nug enug qak dootte, enug qak amuam ehanidtte; amunu diig am, nug ee aokkunu uɗat tuɗid hette.

Prowerb 16:28

Danab eheɗ haknu nug tiigppa daatte, nug he, danab laa oolagppa nug qak ahatte; danab nug laanu dimug nai mattiaya oitte, nug laa ag layam ena daan oitteb amu he, ahilagppa uug be, layam ena pagutteb.

Prowerb 16:30

Laa nug amegppa amuhpapaɗ qette amu, nug kobol eheɗ, tutukku iitta laa hekkunu maittak aotte. Ao, laa nug layag guhuɗitta, oɗe qamuttak oitte amu, nug eheɗ laa hekkunu dabmak awa male, ɠagattag eppom daatte.

Prowerb 19:28

Aɗi heehe anttomnu mattiak danab, nug hettoɗiakppa hambuppuak nai maditte, kobol amuppa nug nai doya mala hettoɗia epeɗia elele mettak kobol awa awa qedatte; amu nau hak danab ag eheɗ hekkulagnu oolag huana hette.