Prowerb 16:24 - Nobonob Baibel

²⁴ Nai ena am ubuhi ele, uppuh leppu bia; am danab ouɗi, beɗu ele ehanidtte.

Prowerb 16:24 Referans Kwoze

Prowerb 12:18

Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

Prowerb 4:22

Aɗinu? Danab ag atognona dim lamidtteb ele, am ag bauklel madatte; nai amu he, danab nug beɗu oh ena daatte.

Prowerb 3:8

Na anam hekkut dayeb, amuam na beɗun ehanitteb, oɗe iitta dayeb, geha na ebehinad ɠagattag daaglag.

Prowerb 23:16

Na nai tutukku madippeppe; da ool unuqagnab, da appa gamag ahak okkai dookkul.

Prowerb 27:9

Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Sam 119:103

Danab laa nug keeke ubuhi ele lakkunu oo huana hette, amubia da nahip nainu ool huananab hette. Uppuh leppu am ubuhi elenab, amge nahip nai am ubuhi huanaknab ele.

Sam 19:10

Gol am nakok ena. Ge, gol ena dubuttid iitta ele kuɗum am nakok ena. Amge Yawenu ɗo oh am enanagnab. Uppuh leppu amu ubuhi ele. Ge, uppuh leppu teɗuppanu am ubuhi enanag. Amge Yawenu ɗo oh amu, am amu eɗidtte.

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Prowerb 15:26

Yawe Nug nau hak danab dilag dabmaknu ooppa uuaknab dootte; amge Nug danab oo oppiak ele dilag dabmaknu ooppa ena dootte.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Solomonnu Ahi 4:11

O ah dahil, ubuhi okkai, uppuh leppu teɗppanu ataɗa nette bia, na ottinppa daatte. Ao, uppuh leppu, makau huh ele am na lemaɗun waappa daattep; amu nahip lamennu muttuɗig am enanag, plang gikkiak Lebanon wanppan ad sidappanu, amubia.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Eklisiastis 12:10

Ippunittak danab amu nug nai onig attennab uɗat mattebeb, nainu meu am pehettak bekkunu uɗat okkai haaha, nug aɗi yom am tutukku, genab ele.

Revelesen 10:10

Nug anam a amu da buk itoɗiak nakok uhuqak ele engel eppegppanu aɗitte lami. Oɗelppa amu uppuh leppu bia ubuhi oum, amge da lain malai, da oolppa amu mua oum.