Prowerb 16:22 - Nobonob Baibel

²² Danab ag diignu doyak tutukku ele, ag bau dayaknu ib oɗe aakku anidna malappig; amge laa ag Kayak dab-ii-menan ii dim lamidtteb, ag Kayak dab-ii-maama hak hetteb, hak amuam he, ag bu aotteb.

Prowerb 16:22 Referans Kwoze

Jon 6:63

Ag doyeg! Kayak Ouɗi nukka, Nug danab bauklel medatte; danabnu ɠagattag am elele iitta. Am nai da ag mattami imuam Ouɗi, am bauklel ele.

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

Prowerb 13:14

Danab dabmak ena ele dilag ippunittak am le danab bauklel madatte, am amubia daatte; doyak dabmak ena elenu nai am he, danab nug paha mauhaknu pelemppa ii tette.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Prowerb 10:11

Genab tutukku hak danab ag oɗelagppa nai maditteb ele amu, nai amu danab laa ehanatte, ag bau daatteb; amge nau hak danab amu, laa guittak nau mauhnoak mettaknu nai ag oɗelagppa ambak daatte.

Jon 6:68

Jesus anam a amu, Saimon Pita nug aum. “Naɗi, ig aun toppa gokkunig? Nai nahip aakkuib bauklel hanhannu megatte.

Prowerb 18:4

Danab ⌊doyak dabmak ena ele,⌋ nuhig nai am ⌊meu kuɗumnab ele,⌋ le unuqagnab, amuppa le huanak daatte, amubia. Ao, danab doyak dabmak ena elenu nai am lenag laa wan ooppanu qeppuɗia baabaib ugakka daatte bia.

Prowerb 15:28

Genab tutukku hak danab ag tatam dabmewona, ag nai nob metteb; amge nau hak danab ag nai eheɗ kuɗum maditteb.

Prowerb 15:2

Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Prowerb 14:27

Yawenu ebehi oh bodoetta le mak kobol am le danab bauklel madatte, am amubia daatte; doyak dabmak ena elenu nai am he, danab nug paha mauhaknu pelemppa ii tette.

Prowerb 3:22

Na kobol aɗit amu daut ii atieb, na dim lamatkkut dayeb amu, na bau daakkut; kobol aɗit amu aa na baatppa kalele bala enanag daatte bia enanag daaglah.

Prowerb 16:21

Danab ag laa, nug doyak dabmak ena ele, ag nuhignu, “Nug am oo maittak awaknu ehah awom daatte,” aon atteb; amu laa nug nai maɗoɗ ele maditte, danab ah ag nuhig naippa ippunittak aoglagnu elele.

Prowerb 16:23

Danab nug doyak dabmak ena ele nug tatam dabmewowa nai maditte; nug aɗi atte am meu ele, danab laa nug amuppa ippunittak aokkunu elele.

Prowerb 18:7

Danab nug Kayak dab-ii-maama ii dim lamidtte ele nai atte amu, nai amu he, nug na qette. Ao, danab nug Kayak dab-ii-maama ii dim lamidtte ele nug nai atte, nai amu he, nug mauhaknu pelemppa tette.