Prowerb 16:21 - Nobonob Baibel

²¹ Danab ag laa, nug doyak dabmak ena ele, ag nuhignu, “Nug am oo maittak awaknu ehah awom daatte,” aon atteb; amu laa nug nai maɗoɗ ele maditte, danab ah ag nuhig naippa ippunittak aoglagnu elele.

Prowerb 16:21 Referans Kwoze

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 27:9

Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

Jon 7:46

Anam aeg am daup amu ag appig. “Danab laa nug danab imu nai maditte bia laa mattie ii anidmut,” aon appig.

Luk 4:22

Nug a, ag doonna, ag Nug binag menana, ag nai genab ittag ele Nug mattiom amu, ag amunu dabmak kuɗum ele aoppig. Amu ag appig, “Adekkutai? Danab umu Nug am Josep bekka iittatai?” aon appig.

Eklisiastis 12:10

Ippunittak danab amu nug nai onig attennab uɗat mattebeb, nainu meu am pehettak bekkunu uɗat okkai haaha, nug aɗi yom am tutukku, genab ele.

Prowerb 23:15

O bekkal, na doyak dabmak ena ele dim lamidkkut dayeb amu; da ool gamag ahakku.

Prowerb 10:8

Laa ag doyak dabmak ena ele, ag Kayak aɗi haknu atte, ag aakku aon hetteb; amge laa nug Kayak dab-ii-maama ii dim lamitta oiyaya, nai hamu hamu mauhnoak maditte, nug na qa, padal mekku.

Sam 45:2

Danab laala ag iɗulag tuqak ele, amge na ag oh eɗadttem. Na nai ena, nai ubuhi ele, nai maɗoɗ ele, na nai amu oɗenppa madittem. Na anam hettem amunu, Kayak Nug tuɗid ele na itidtte.

1 King 3:12

amunu, na da oɗ meɗame bia, da na doyak dabmak ena ele, amu oo maittak awaknu ehah ele medakkul. Anam amu, am inam daakku. Anukka danab laa nug doyak dabmak ena ele, oo maittak awaknu ehah ele anam amu, laa ii awom. Iitta! Aria, dimppa ele danab laa nug aokku, nug amubia ii aoma. Iitta.

Rom 16:19

Ag Rom danab ag Kayak oɗe dim lamidtteb amu, nai amu danab oh ag doon malappig daatteb amunu, da ahilagnu maɗoɗppan gamag ahak okkai doottem, amge da ag kobol enanu doyak dabmak ena ele dim lamidna kobol amu hena, kobol tutukku iittanu amu nakok laa ii helobnu ool okkai daatte.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Prowerb 16:22

Danab ag diignu doyak tutukku ele, ag bau dayaknu ib oɗe aakku anidna malappig; amge laa ag Kayak dab-ii-menan ii dim lamidtteb, ag Kayak dab-ii-maama hak hetteb, hak amuam he, ag bu aotteb.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Prowerb 10:13

Danab ag oo maittak awaknu ehah aoppig daatteb, ag doyak dabmak ena elenu nai maditteb; amge danab ag epeɗia ha dabmak ena awak kobol ii dootte ele, ag bu aoglag.

Prowerb 10:23

Danab nug Kayak dab-ii-maama ii dim lamitta oitte, nug eheɗ haknu ena dootte; amge danab nug diignu doyak tutukku ele, nug doyak dabmak ena elenu nai doya, nug enanagnab dootte.