Prowerb 16:20 - Nobonob Baibel

²⁰ Aun laa nug ⌊Kayak nainu⌋ ippunittak awa dabmedatte, nug ena daakku; amu aun nug Yawenu ooppa genab dootte, nug itittak ena awom daatte.

Prowerb 16:20 Referans Kwoze

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 34:8

Na danab laa nug ee laa lana, miti ena doya, ena dootte, amubia na Yawe attem attem daatte dookkutnu he! Nug enaib daatte; Nug enaib hette. Danab ah aun aɗi ag nuhignu, “Nug am padal mak eɗitteb ena dayaknu ehanittak dahil daatte,” ag anam dootteb ele amu, ag itittak ena aoppig daatteb.

Prowerb 19:8

Aun nug doyak dabmak ena ele aotte, nug nukka nug ehanidtte. Ao, laa nug diignu doyak tutukkunu oo huana hette, nug ena daatte.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Daniel 6:23

Daniel anam a, king doya, nug gamag ahak huananab doya, ag Daniel humappeg bekkunu haknunab aum. Nug a, ag Daniel humaeg be, nug nuhig Kayaknu ooppa genab doyom amunu, ag nug beɗuppa eheɗ o guittak laa ii anidppig.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Prowerb 8:35

Aɗinu? Aun laa nug da mattiɗa aniɗtte amu, nug aakku bau dayak andette, Yawe Nug nuhignu ena dootte.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Prowerb 13:15

Danab ah ag diignu doyak tutukku ele ag laa dilag neekkakppa ena daatteb; amge laa ag Yawe ippuanattom bia Nug dim lamidkkulagnu uun hetteb ele, ag uug anidtteb.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

1 Stori 5:20

Ag ban henana, ag Kayak unuqidppig amunu, Nug ehanatte, ag Hagri danab, ahilag ehanattak ele eɗadppig. Ruben danab, Gad danab, amu Israel dilag huu okkai Manase huu mahaib amunu danab, danab amu ag Kayaknu oolagppa genab dooppig amunu, ag Nug unuqitteg, Nug ag ehanattom.

Prowerb 17:2

Maɗi nid laa doyak dabmak ena ele nug nuhig okkai bekka laa, kobol uɗa nak nau guittak ele hette amu, maɗi nid nug nid amunu gumak daakku; amu maɗi nid doyak dabmak ena ele, nuhig okkai nug bekkod nug aug madatta, nug nid amu ele laa medakku.

Sam 32:10

Uug digdig geha nau hak danab dilagppa bekku, amge Yawe Nug danab ah ag nuhignu oolagppa genab dootteb ele, Nug ahilagnu oo mauhaknab dootte.

Prowerb 13:13

Aun nug Kayaknu ippunittak nai dimedakku amu, nug eheɗ hak amunu uug maokku; amge aun nug Kayaknu ɗonu ena doya, nai dim lamidkku amu, nug amunu nob ena aokku.