Prowerb 16:19 - Nobonob Baibel

¹⁹ Danab nug nukka onig qe neene, laa ag laa dilag eheɗ hattak waappa daatteb, nug ag oolagppa daatteb, amuam uug daatte, me am ele ena; amge danab nug dada hak danab ele layam bateb, keeke dada hak danab yab aoppig ele laippu aɗan oiglag, amuam ena iitta.

Prowerb 16:19 Referans Kwoze

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

Sam 34:18

Yawe Nug laa ag oolagppa guittak okkainab, nau ninig ele dootteb amu, Nug ag gukkuatta daatte. Ao, aun aɗi ag oolagppa, “Da eɗue bau ii daapa,” dootteb ele, Nug ag ehanatte, ag padal ii metteb.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Aisaia 53:12

Diig amunu da heppi, Nug danab ah oolagppa okkainab daya, Nug banppan awak keeke laa ag Nug dim lamidna, danab ɠagattag daatteb ele, Nug ag madakku. Da heppi, anam bekkunu diig laa am, nug doyaya, nuhig bauklel uua dayom. Laa am, ag nug danab nau ele laippu qagmaadna ⌊qeeg mauha, amuppa nug eheɗ haknu nob nau iitta mekkunu he elele mettom⌋. Laa am nug danab ah kuɗumnab dilag hipunin mawom. Amu laa am, Nug danab ah hipunin heppig ele, Nug amu dilagnu unuqittom,” awa atte.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 9:3

O Kayak, na heppe, nahipad danab ah ag huan apatkkulag. Ao, na heppe, ag gamalag huan ahakku. Ahilag gamag ahak amu, ag na noomppa na ippunidkkulag. Ao, datta ee oɗuom awak haenppa danab ah ag aonna, gamalag ahehe aotteb, ag amubia hekkulag. O iitta ban danab ag ban hena, ag ban eɗittona, keeke ag aoppig am otin aona, gamalag ahatte, amubia ag gamalag ahakku.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Ikki Danab 5:30

‘Sisera nug nuhikkud daup ele ag banppan en mattin otiadtteb. Ao, ag ah laipputai, iitta ah aɗittai danab oh anen anen madatteb. Ag lamen geɗaɗa ele Siseranu otitteb. Ge, dahilnu amu, ag lamen geɗaɗa ele, baagppa kobol kobol ele koitak otin meɗaglagnu hetteb. Amu oh am banppan awak, aakkuib.’ Sisera anig nug anam aakku nukka nuhignu aum.

Prowerb 1:13

Ag na amenppa anam awona amu, ag akkulag. “Ig keeke digdig, danab keeke amu oh awaknu nug men doɗo okkai ekku amu, ig amu aognig. Ge, ig yabhokppa anam aot, ig launkadppa mepput, ig launkad am en amuppa ambak daaglag.

Prowerb 1:14

Ig anam hekkunig amunu, na doppe, ig ele tamanit, keeke ig aognig amu, ig panit diignig.” Ag anam aakku akkulagtai.

Prowerb 3:34

Danab ag dada kobol dim lamidna, Kayak aon aon qedatteb ele amu, Nug imadtte, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.

Prowerb 25:7

Aɗinu? King nug nukka na amenppa, “Lai, na gukkuiɗna uɗippe, da ele daagnih,” akku, amuam ena; amge king nug anuqak danab laa noobppa na onin qeeb neeb, na uɗan nekku, amuam ena iitta.