Prowerb 16:17 - Nobonob Baibel

¹⁷ Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Prowerb 16:17 Referans Kwoze

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Prowerb 19:16

Aun laa nug Yawenu ippunittak nai doya dim lamidtte ele, nug nukka nug bauklel nuhig dabma auta aotte; amge aun nug Yawe oɗe ii dim lamidtte, nug mauhkku.

Prowerb 10:9

Danab nug dabmak oiyak nuhig ele am tutukkuib amu, nug ɠagattag daakku; amge laa nug oiyak nuhig kaliak ele amu, nug bu aokku.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

Jut 1:21

Ag hanhan Kayaknu oo mauhak ooppa daanna, ihinig Naɗi Jesus Kristus Nug ahilagnu oo gai-iitta doya oo metta ehanattatta, Nug bauklel hanhan madakkunu ameg meig!

Hibru 10:39

Amge ig am danab ag Jesus dimettan padal metteb ele, danab amu oolagppa ii daattem. Iitta! Ig am danab ag nuhignu oolagppa genab doon, bauklel aotteb ele amu, ag oolagppa daatteb.

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Matyu 24:13

amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

Prowerb 21:23

Danab nug aɗi nai madittenu dabmetta auta aotte; nug uug naunab nuhigppa bemanu aakku hette.

Prowerb 22:5

Ib laa, nau hak danab nug dim lamitta oitte amu, ib amuam ib uud keeke qaun ele, o ib laa pelem mak ele, am ib amubia daatte; amge laa nug nukka, nug nuhig oiyaknu dabmetta atognotte amu, nug nau hak danab dilag awaitta, uma daatte.