Prowerb 16:16 - Nobonob Baibel

¹⁶ Danab nug doyak dabmak ena ele aokku, amuam ena, am gol awak eɗidtte. Ao, danab nug diignu doyak tutukku, nug amu aokkun dabmekku, amuam ena, am silwa awak eɗidtte.

Prowerb 16:16 Referans Kwoze

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Prowerb 8:19

Da am ad meu otte bia, amge meu dahil amu gol enanag eɗittak. Ao, da am ad meu otte bia, amge da meu ottem ele am silwa enanag eɗittak.

Eklisiastis 7:12

Aɗinu? Men doɗo danab ehanidtte, amubia doyak dabmak ena ele am ele danab ehanidtte; anam amge men doɗo danab ehanitteb, bau daakkunu elele iitta. Danab nug doyak dabmak ena ele, doyak dabmak ena ele amuam danab amu ehanitteb, bau daya oikkunu elele.

Prowerb 4:7

Doyak dabmak ena ele am anuqak daatte; amunu na doyak dabmak ena ele awe! Ge, na diignu doyak tutukku aokkutnu na nahip keeke ohnab ekkutnu dayeb amu, na anam he! Aib uume!

Luk 12:21

Jesus Nug nai amu ana, Nug nai gog ta aum. “Danab ag keeke kuɗum ahilagnu qagmetteb, amge Kayak noobppa amu ag danab ena iitta daatteb, ag am amubia anidkkulag,” awa aum.

Sam 119:127

Da golnu am nakok ena doottem. Ao, da gol ena dubuttid iitta elenu amu, da nakok ena doottem. Amge da nahip ɗonu amu, da enanagnab doyen, da amunu ool mauhtte.

Prowerb 3:14

Aɗinu? Danab nug silwa ele, nug amuppa en laa aokkunu elele, amge danab nug doyak dabmak ena ele, nug keeke silwa eɗittak aokkun elele. Ao, danab nug gol ele, nug amuppa en tuɗid aokkunu elele, amge danab nug doyak dabmak ena ele, nug keeke gol eɗittak aokkun elele.

Prowerb 4:5

Da mamel nug nai amu amelppa anana, nug aum. “Na doyak dabmak ena ele, aria diignu doyak tutukku ele aon oiye! Ge, na aib nai dahil imu daut atiom, o na aib dahil nai imunu dekkaɗna laih gome!” awa aum.

Prowerb 2:4

na silwa mattin anidkkutnu wagai mettem bia, na amu oh aokkutnu hekkut dayeb, ao, na en okkai lokkumak daatte mattin anidkkutnu wagai mettem bia, na amu oh aokkutnu hekkut dayeb,

Prowerb 3:13

Am danab nug doyak dabmak ena ele mattia anidtte amu, nug aakku itittak ena awom daatte. Ao, laa nug diignu doyak tutukku mattia aotte amu, nug aakku itittak ena awom daatte.