Prowerb 16:14 - Nobonob Baibel

¹⁴ King nug oppoɗi bak doya, nug danab laa qeeb mauhkkunu elele; amge danab doyak dabmak ena ele nug ha, kingnu oppoɗi bak bodoedakkunu ib madikku.

Prowerb 16:14 Referans Kwoze

Prowerb 20:2

Kingnu oppoɗi bak amu laion baunu gayak bia; aun nug kingnu oo nauhak heeb bekku amu, nug mauhkku.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

Aposel 12:20

Aria, Herot Agripa nug Tair, Saidon ele dilah danab ah dilagnu oo aeg beum. Amu amun danab ag ee Judanu hanhan daden meppig amunu ag enug aqamanu, danab ah amu ag qagmena gumidna gona, ag Herot ele nai bappaidkkulagnu dabmeppig. Ag amu hena, ag nuhig ehanittak anuqak danab okkai laa onig Blastus gumidna gona, amegppa Herot nug oo aeg bak amu uukkunu, ag oh maɗoɗ ele daaglagnu aeg, nug ehanadkkunu aum.

Mak 6:27

amunu, nug paha nuhig daup laa amegppa, “Na gona, Jon baag otaɗna, na nug ikki aon do!” awa aum. Nug anam a, nuhig daup danab maniguittakppa ukka, Jon baag otaɗa,

Eklisiastis 10:4

Nahip okkai nug nahipnu oo nauhkku dayeb, na uɗat hekkutnu daattem, na uɗat amu aib uume; na ootppa maɗoɗ doon daye! Aɗinu? Kobol amuam kaliak okkai heeb, elele daakkunu elele.

Prowerb 17:11

Eheɗ hak danab nug nai tappe nak hanhan hekkunu ib maditte; amge nug bu okkainab aokku.

Genesis 40:2

amunu, Paro nug ahilahnu oo nauhe,

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Prowerb 16:13

King nug danab nug nai genab maditte, nug nuhignu ena dootte. Ao, king ag danab nug nai genab maditte, ag nuhignu dabmak ena okkai aotteb.

Prowerb 16:15

King nug laa ena neekkitteb amu, laa amu nug bau daakku; amu king nug laanu ena ii helo bia me, nug amu hette, kobol amuam gu na, wan ehanidtte bia.

Prowerb 29:8

Awa awa qettak danab ag aab okkai ooppa uug heeg bette; amge danab ag doyak dabmak ena ele, danab amu ag heeg, oo nauhak oug mette.

Esta 7:7

Esta anam a, king nug oppoɗi be ameg kokoɗ eppe, nug hibaitta, nuhig lag enanagnab guguittak dad dayom amu, nug amuppa ukkom. Amge Haman nug dayom. Aɗinu? Nug king geha nug qeeb mauhkku doya, nug Kuin Esta unuqeb, nug ab ehanidkkunu dayom.

Prowerb 29:26

Danab kuɗum ag gumak danab nug ii helo bia me, nug ehanadkkunu hetteb; amge nai doya mala hettoɗia epeɗia elele mettak kobolnu amu, danab ah ag amu Yawe, nuhigppanu aotteb.

Daniel 2:16

Ariok nug amunu diig anam mattia male, Daniel nug aha, king toppa ukka, nug kingnu tul niiak doya, tul amun diig ab dookkunu, king nug haen nakok laa medakkunu oɗ mettom.