Prowerb 16:12 - Nobonob Baibel

¹² Danab king ag gumadtteb ele, ag genab tutukku hak danab daatteb dayeb, amuppa nuhig wan aakku ɠagattag daatte; diig amunu amu, king nug eheɗ hak kobolnu ooppa uuaknab dootte.

Prowerb 16:12 Referans Kwoze

Prowerb 25:5

Na heppe, nau hak danab ag king uuidna, laih daappeg amu; nug genab tutukku hak kobol haaha, nuhig king daakkunu ehah am nug eppegppa ɠagattag daakku.

Luk 12:48

amge maɗi nid nug nuhig danab okkainu dabmak ii dootte, amge nug bu aokkunu kobol heum amu, geha nuhig danab okkai nug nakokib makkuɗkku. Danab ag keeke kuɗum aoppig amu, ag eɗun keeke kuɗum nob mekkulag. Am danab laa nug eppegppa keeke kuɗum mak daatte amu, geha laa ag nug keeke huanak nob madakkunu onigppa ekkulag,” awa aum.

Prowerb 29:14

King laa nug hettoɗiakppa daɗek dilagnu, doyak diig genabib dim lamidtte dayeb; nuhig king dayak am haen oh ɠagattag daakku.

Prowerb 28:9

Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Revelesen 19:11

Nug anam a amu, hab obate, da hos hakkab laa dayeye anidmi. Laa Nug hos amu attan dayom amu, Nug onig am, Oo Metta ii Uua, Genab Hak. Laa amu Nug nai doya mala hettoɗia epeɗia elele mettak kobol dim lamittatta, nug epeɗiak uɗat, ban hak ele hette.

Prowerb 20:18

Na ulum nai awona, na aɗi hekkutnu maittak awe! Ao, na banppa gokkut dayeb amu, na ulum nai awona ukke!

Sam 99:4

O Yawe, na am king naɗinab. Na nai doya mala hettoɗia epeɗia elele mettak kobolnu oot mauhtte. Na epeɗia elele hak kobol Israel wanppa ɠagattag daakkunu qappame. Na Israel dilagppa, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidme, na gemu ele dim lamidttem.

Duteronomi 25:16

Aɗinu? Aun aɗi ag kobol hambuppuakppa keekenu okkai melemel eheɗppa, o keekenu uug skel nauppa anttaknu hetteb amu Yawe, ahilag Kayak, Nug amu dilagnu ooppa uuaknab dootte.

Prowerb 16:13

King nug danab nug nai genab maditte, nug nuhignu ena dootte. Ao, king ag danab nug nai genab maditte, ag nuhignu dabmak ena okkai aotteb.

2 Stori 17:5

Yawe Jehosapat ehanitte, nug king daakkunu ɠagattag nug eppegppa dayom. Juda danab oh ag keeke nuhig daakkunu hamu aon uɗin medappig amunu, nug en okkai, binag okkai ele.

Prowerb 29:4

King nug nai doya mala, hettoɗia, eppedia, elele mettak kobol dim lamidtte amu, nuhig wan am ɠagattag daatte; amge king nug lokkumakppa eheɗ haknu ehanittak wagai ma aotte, amuppa nug he, wan nuhig nauhtte.