Prowerb 15:8 - Nobonob Baibel

⁸ Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 15:8 Referans Kwoze

Prowerb 15:29

Yawe Nug nau hak danab, ahilag unuqittak dookkunu ag gukkuatta ii daatte; amge Nug genab tutukku hak danab dilag unuqittak dootte.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

Jeremaia 6:20

Juda danab ah, ag Sebanu kalu danab ile muttuɗig enanag bette, ag kalu amu amotna, da meɗatteb, amge ag hipunin hekkulagnu ii uutteb amunu, da kalu amunu ool hettete? Da amunu oolppa ena doottemte? Iitta! Ao, ag goɗen muttuɗig enanag hekkulagnu wan umanabnu keeke qaittobttob bia onig kalamus aon, da meɗatteb, amge ag hipunin hekkulagnu ii uutteb amunu, da kalamus amunu ool hettete? Da amunu oolppa ena doottemte? Iitta! Manaknu ofa ahilag amu, ag am pehettak iitta; da ii aopa. Ao, ahilag mana mettak laa amu, da amunu ena ii doottem.” Yawe Nug anam atte.

Prowerb 28:9

Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Aisaia 61:8

Yawe Nug atte. “⌊Da ahilagnu anam hekkul.⌋ Aɗinu? Da, da Yawe, da nai doya mala hettoɗia epeɗia elele mettak kobolnu ool mauhtte. Ao, am anam, amge, da yab awak, hipunin hak laa ohnu ele amu da eheɗ nau ninig ele doottem. Da ⌊dahilad danab ah ag da tutukku dim lamiɗtteb ele,⌋ da Yawe, da oo metta ii uuak kobol dim lamitten, ag nob ena madakkul. Da nob ena matten heppi, da ag ele ig nug tituana nai qakkak hanhannu hekkunig.

Jon 4:24

Kayak Nug am Ouɗi amunu, danab ag Nug noobppa dup nona binag elele mekkulagnu amu, ag Kayak Ouɗi ehanittakppa, amu doyak diig genabib eleppa Nug noobppa dup nona binag mekkulagoitte,” awa aum.

Eklisiastis 5:1

Haen na Kayaknu mettid lag amuppa gonana, na dabmenan ukke! Na appa gona, Kayak baag dookkutnu dabmenan gokkut; na gona, doɗ keeke hamu hamu, danab nug Kayak dab-ii-maama ii dim lamidtte ele hette bia manadna, Kayak aib mettame. Aɗinu? Danab amu ag eheɗ aakku hetteb ii dootteb.

Aisaia 66:3

Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.

Solomonnu Ahi 2:14

“O ah dahil, na am uppuɗil beɗulag nakok laa men bai giɗoɗoppa daatte bia daattem; o iitta, na uppuɗil beɗulag nakok laa baippa gegeti ena laappa lokkuma daatte bia daattem. Na baatnu oqotti am ena, ubuhi ele; na iɗun am enanag, tuqak ele, amunu iɗun da ippuniɗe! Ao, na heppe, da na baat doye!

Sam 17:1

O Yawe, da keeke laanu oɗmak hettem imu amu, oɗmak amuam genab tutukku elenu, amu na doon ehaniɗkkutnu unuqidttem. Ao, na da ehaniɗkkutnu gaattem imu dookkutnu oɗ medattem. Da hambubuitten, na ii unuqidttem amunu, na dahil unuqittak imu daut human dookkutnu oɗ medattem.

Lewitikas 7:18

Amu doɗ teppu, laippu dayaknu ofa haknu amu, nug dayeb ukkeb, deɗ ewamppa laa lakku amu, Yawe Nug mana mettak amunu ena ii doya ii aoma. Danab nug mana mettak amu hekkunu dabmeum ele amu, Yawe Nug nuhignu, ‘Nug doɗ amu mana, da meɗom,’ ii dabmema. Deɗ ewamppa amu, doɗ teppu amuam Yawe noobppa dubuttid ele daakku. Aun nug lakku amu, nug eheɗ aakku ha, nug amunu bu aokku.

Prowerb 10:24

Nau hak danab nug aɗi keekenu baɗak okkai dootte amu, keeke amu aakkuib nuhigppa bekku; amge Kayak Nug genab tutukku hak danab nug aɗi keekenu oo hette ele amu, Kayak Nug keeke amu aakku nug medakku.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 21:3

Danab nug Yawenu mana mettak hekku dayeb amu, amuam ena; amge danab nug kobol tutukku, amu nai doya mala hettoɗia epeɗia elele mettak kobol ele hette amu, amuam Yawenu neekkakppa enanag.

Maika 6:7

Da sipsip dawai tausen gane awe wakkul amu, Yawe Nug amunu oo ena daakkute? O iitta, da goɗen huanaknab, le 10,000 nonana gotteb bia, da amu awe wakkul am, Nug amunu ena dookkute? O da nid ⌊danab⌋ naanaeg dahil qaɗab qakppa hipunin uhuqaknu mane, Yawe medakkul amu, Nug amunu oo ena daakkute? Ge, da beɗulppan nid awen, Yawe Nug eheɗ hak dahil heeb iitta mekkunu nid amu mane, Nug medakkulte?

Hagai 2:14

Ag anam aeg, Hagai nug aum. “Yawe Nug atte. ‘Dahil neekkakppa amu, Israel danab ah, ahilagnu anamnab aakku daatte. Ag aɗi hetteb, ag aɗi doɗ mana mettak hekkulagnu maitteb ele amu, keeke amu oh am da, Kayak, dahil neekkakppa am dubuttid tak ele daatte.

2 Samuel 15:12

Amu ag oh Hebron daanna, Apsalom nug mana mettak hattatta, nug Gilo ted laa Ahitopel, nug appag diig Gilonu aha, Hebron uɗia ehanidkkunu nai me ukke uɗiom. Ahitopel nug nuhig aab ikki am Gilon. Nug Dawitnu dabmak mettak danab laa dayom, ⌊amge nug matu lokkuma Dawit dimetta, Apsalom dim lamittom⌋. Apsalom nug anam heehe, danab baubau ag Apsalom nug mameg King Dawit lamitta, king aben awa, king daakkunu dabmak aoegeg ukke, kuɗum ag uɗin, Apsalom dim lamidppig.

1 King 3:10

Am Naɗi Nug Solomon nug amunu oɗ meum doya, Nug Solomonnu oo ena doyom.

Sam 141:2

Na dahil unuqittak imunu amu, na kalu danab ile, muttuɗig enanag otte bia dookkutnu oɗ medattem. Ao, na da eppel bahii, attan tette ele, na amunu tuebnu doɗ manan mettaglag bia anidkkutnu unuqidttem.

Daniel 9:23

Kayak Nug nahipnu ooppa enanag dootte amunu, na digmena unuqidme, haen amuppanab da uɗien, unuqittak nahip nai nob medakkulnu doomi. Amunu na tulegleg anidme, nuhig meu dabmenan, nuhig diignu ele tutukku doye!

Maika 6:6

Amge da Yawe noobppa ukken daakkulnu amu, da aɗi keeke awe wain medakkul? Ge, da Kayak, Nug am keeke oh ikkilag, da ukken Nug noobppa daakkulnu amu, da aɗi keeke ena awe wain, Nug noobppa gatel qaun oin, gomelen medakkul? Da Nug noobppa wakkulnu amu, da nuhig qaɗabppa manaknu ofa kuɗum manen medakkulte? Ge, da Nug noobppa wakkulnu amu, da makau gaiɗ maɗ laippu awak ele kuɗum nuhig qaɗabppa manen medakkulte?

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.