Prowerb 15:32 - Nobonob Baibel

³² Danab nug tolitta bu mettak aokkunu uutte, nug nukka nuhignu ena iinab dootte; amge laa nug tolitta mettak awa dim lamidtte, nug diignu doyak tutukku aotte.

Prowerb 15:32 Referans Kwoze

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Prowerb 1:7

Amu Yawenu ebehi oh bodoetta le mak kobol am doyak digma awak aakku; amge danab ag Kayak dab-ii-menan ii dim lamidtteb ele ag doyak dabmak ena elenu, aria tolittak awaknu ele, ag amu dilahnu ena iinab dootteb.

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Prowerb 18:15

Danab nug oo maittak awaknu ehah awom daatte, nug doyak ena aotte. Ge, danab ag doyak dabmak ena ele, ag doyak ena aoglagnu neegtteb.

Jems 1:22

Ag akka ag oolag buppuidna, Kayak nai am keeke hamu bia aib dooppig. Ag nai amu doon, genab dim lamitteg!

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Prowerb 17:16

Danab nug Kayak dab-ii-maama ii dim lamidtte ele, nug men doɗo aɗakkunu am meu iitta; amunu diig am, nug doyak dabmak ena ele aokkunu nakok laa ii dabmette.

Prowerb 15:21

Danab nug epeɗia ha dabmak ena awak kobol ii dootte ele, nug Kayak dab-ii-maama hak kobolnu enanagnab dootte; amge laa nug diignu doyak tutukku ele, nug kobol tutukku hette.

Prowerb 15:14

Danab ag diignu doyak tutukku ele, ag doyak ena ele tuɗidna aon daaglagnu hetteb; amge danab nug Kayak dab-ii-maama ii dim lamidtte ele, nug tuɗitta, Kayak dab-ii-maama haknu kobol antta dabmekkunu oo daatte.

Sam 50:17

Ag anen anen ag dahil tolittaknu nau ninig ele dootteb. Ag dahil ɗo dimedappig daatteb.

Duteronomi 21:20

Aa waya, aa ikki danab amelagppa inam akkulahoitte. “I bekkanih imu nug oɗe dim lamidmanu dabmak nuhig ɠagattag eppe, nug tappe nak nid daya, nug ii oɗenih doyak uutte. Nug hanhan ee huana lanana, le nau laawo, kaaka qette,” aoya akkulah.

Duteronomi 21:18

Am danab laa nug bekka nug oɗe dim lamidmanu dabmak nuhig ɠagattag eppe ii dim lamidtte, nug nai tappe nak danab daya, nug mameg, o anig tolidya, bu metteheh, aa oɗelah ii dim lamidtte dayeb amu,

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Prowerb 13:18

Danab nug tolittak awaknu uutte ele, gogtak nuhig am uɗa nak awa, daɗek ele daakkunu daatte; amge aun nug tolittak ena aotte, nug binag aotte.

Prowerb 15:5

Laa nug Kayak dab-ii-maama ii dim lamidtte ele, nug mamegnu tolitta bu mettak tappe nette; amge laa nug tolitta bu mettak awa, dabmaama dim lamidtte amu, nug aakku eheɗ bemanu dabmak awa dabmak amu dim lamittak kobol dim lamidtte.

Prowerb 15:31

Laa nug layagnu daug batak ena dootte amu; nug danab doyak dabmak ena ele oolagppa daakku.

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Eklisiastis 7:5

Danab doyak dabmak ena ele nug na daut bateb, na dabmekkut am ena; amge na danab nug Kayak dab-ii-maama ii dim lamidtte ele, nug ahi ettebeb, na daanna dookkut, am ena iitta.

Aisaia 3:9

Ag hipunin hetteb amunu, ag oolagppa aab daatte. Aab amu daya, aab dayak amu ag iɗulagppa danab ah anidkkulagnu bette. Ag Sodom danab anukka heppig bia, ag miag atiak hetteb. Hipunin ag hetteb ele, ag lokkumak ii hetteb. Ahilagnu amu, gadonnab gadon. Aɗinu? Ag bu nau aoglag. Ao, ag akka ag beɗulagppa, ag bu nau amu aoglagnu ib ooɗppig daatteb.

Prowerb 10:17

Laa nug tolitta bu mettak awawa oo eɗutte, nug laa ag ib attenppa bau daaglag, nug ag amu ippunadtte; amge laa nug nai ii dootte, nug bu awawa oo ii eɗutte, nug laa ag padal mekkulagnu ib ippunadtte.

Prowerb 19:20

Na ulum nai ena doon aon, ippunittak nai ena ele aon aɗakkut dayeb; gog takppa na doyak dabmak ena ele daakkut.