Prowerb 15:30 - Nobonob Baibel

³⁰ Laa nug layag ena neekkitte, layag nug gamag ahak dootte; laa nug keeke beumnu nai ena dookku dayeb, nai ena amu nug beɗu ena ɠagattag ele daakkunu ehanidtte.

Prowerb 15:30 Referans Kwoze

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Prowerb 25:25

Baegppan laa, nug aab umanabppa daatte, nug ena daattenu nai uɗitte amu; amuam danab nug le baag diie, le oug latte, amubia daatte.

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Eklisiastis 11:7

Amahlak am keeke ena; amu danab nug buttua aha, aam andatta, nug ena dootte.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Prowerb 13:9

Genab tutukku hak danab ag am lam elelenab amahaltte bia daatteb; amge nau hak danab ag lam qauhom bia nauhtteb.

Sam 89:15

O Yawe, danab ah ag na binan okkai mettaglagnu doon malappig, ag na ele, nahip amahlakppa oitteb amu, ag am itittak ena aoppig daatteb.

Esra 9:8

Amge gemuib, haen tutu imuppaib, na Yawe, ihinig Kayak, na ii helom bia me, na hee, ig oɗo yaak daattem ele, ig daatta, na ig nuhig mettid lag guguittak ena daagnignu ib mekkae, gemu ig danab laa waappa daattem, amge ig bau daatta, naunab nau ii daattem amunu, O ihinig Kayak, na hee, ig daagnignu elelebia doottem.

Prowerb 3:8

Na anam hekkut dayeb, amuam na beɗun ehanitteb, oɗe iitta dayeb, geha na ebehinad ɠagattag daaglag.

Prowerb 15:29

Yawe Nug nau hak danab, ahilag unuqittak dookkunu ag gukkuatta ii daatte; amge Nug genab tutukku hak danab dilag unuqittak dootte.

Prowerb 15:31

Laa nug layagnu daug batak ena dootte amu; nug danab doyak dabmak ena ele oolagppa daakku.

Prowerb 12:25

Am butti, laatu keeke, aɗi uug bekkunu daattenu uug doyak, amuam danab uug okkai qak medatte; amge ehanittak nai nug danab he, oo gamag ahatte.