Prowerb 15:28 - Nobonob Baibel

²⁸ Genab tutukku hak danab ag tatam dabmewona, ag nai nob metteb; amge nau hak danab ag nai eheɗ kuɗum maditteb.

Prowerb 15:28 Referans Kwoze

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,

Prowerb 29:11

Danab nug Kayak dab-ii-maama ii dim lamidtte ele, nug nuhig oo nauhak huan bemanu ib ii keldotte. Iitta. Nug oo nauhak bekkunu ib ooɗtte; amge danab nug doyak dabmak ena ele, nug nukka nuhig oiyak pehettak atognotte.

Eklisiastis 5:2

Na paha paha digmen, aib nai mattime; na ootppa paha Kayak noobppa keeke laa madikkutnu aib heme. Aɗinu? Kayak Nug hab aabppa daatte; na wanppa daattem amunu, na nai huana aib mattime.

Prowerb 15:2

Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Eklisiastis 5:6

Na oɗenppa nai laa mattiona, hipunin aib heme. Na keeke laa hekkutnu genabnab hekkutnu nai anan qagakkut dayeb, dimppa na Kayaknu mettid lakka gona, appan mana mettak danab amegppa, “Da kakitten, nai amu mattimi,” aib ame. Na anam heppe, Kayak Nug oo nauhkku, amu Nug heeb, keeke oh na eppenppa uɗat heme ele nauhkkutai.

Prowerb 29:20

Danab nug Kayak dab-ii-maama ii dim lamidtte, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug tatam ii dabmewowa nai maditte amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Prowerb 16:23

Danab nug doyak dabmak ena ele nug tatam dabmewowa nai maditte; nug aɗi atte am meu ele, danab laa nug amuppa ippunittak aokkunu elele.

Prowerb 13:16

Danab nug eheɗ bemanu dabmak awa dabmak amu dim lamittak kobol dim lamidtte amu, nug doyak enappa keeke hette; amge danab Kayak dab-ii-maama ii dim lamidtte ele, nug he, nug Kayak dab-ii-maama hak kobol dim lamitta oitte miag atitte.

Prowerb 10:19

Nai huana mattiakppa amu, hipunin ele appa ana daatte; amge laa nug nai huana ii maditte, nug am doyak dabmak ena ele.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

Sam 59:7

O Kayak, danab nau amu oɗelagppanu nai nau huanaknab nette, na nai amu dookkutnu unuqidttem. Ao, qep elab aeg nau ele danab guittak okkai medatte, ag oɗelagppanu nai am amubia hette. Ge, ag amu hettebnu diig am, ag nai nau oh amu mattieg neene, ag hibguitta hena, inam atteb. “Aun ig dooikka bu iqakku?”

Prowerb 10:32

Genab tutukku hak danab ag haen adekkuppa aɗi nai mattiglagnu daatte, ag dootteb; amge nau hak danab ag nai eheɗ tutukku iitta aakkuib maditteb.