Prowerb 15:26 - Nobonob Baibel

²⁶ Yawe Nug nau hak danab dilag dabmaknu ooppa uuaknab dootte; amge Nug danab oo oppiak ele dilag dabmaknu ooppa ena dootte.

Prowerb 15:26 Referans Kwoze

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Sam 19:14

Na oot da meɗan ehaniɗna heppe, da na oot daatte amuib akkulnu, amu da aɗi keekenu dabmak unuqag awewe daakkul amu, da na oot hette biaib amu hekkulnu oɗ medattem. O Yawe, na am kekeɗ niɗamnanu ehanittak dahil, qagaiettakppanu eɗua uhuqaknu ehanittak dahil ele daattem.

Sam 45:1

Da dabmak enanagnab awewe, da ool huananab gamag ahatte! Ao, da kingnu nai ena ena madikkul. Ge, da lemaɗul am danab laanu pen, nai ena ena yaaladtte, amubia daatte. Da yaakkulnu iitta, amge da oɗelppa madikkul.

Matyu 15:19

Kobol eheɗ imu oh dabmakppanu bette; dabmak eheɗ, danab qe mauhak kobol, ewau pakkua gappai hak kobol, gappai hak kobol digdig laa, yabhok kobol, nai genab iitta anak kobol, baeg qak kobol ele,

Prowerb 24:9

Danab ag Kayak dab-ii-maama hak hekkulagnu dabmetteb amu, ag hipunin hetteb; amu danab ag awa awa qettak danabnu oolagppa uuaknab dootteb.

Prowerb 15:25

Yawe Nug dada hak danab laug loppaɗe nette; amge Nug ah qab dilag keeke atognotte.

Prowerb 15:27

Danab nug baubau awaknu hik qak dootte amu, nug uug he, baekkudppa dilagppa ele bette; amge danab nug lokkumakppa eheɗ haknu ehanittak awaknu o mettaknu, nug amunu nau ninig ele dootte amu, nug bau daakku.

Prowerb 16:24

Nai ena am ubuhi ele, uppuh leppu bia; am danab ouɗi, beɗu ele ehanidtte.

Prowerb 11:20

Yawe Nug danab ag eheɗ haknu ag tiilagppa daatte amu, Nug ahilagnu ena iinab dootte; amge Nug aun aɗi ag nuhig neekkakppa ag danab oolagppa kaliak laa iitta ele, Nug ahilagnu enanagnab dootte.