Prowerb 15:25 - Nobonob Baibel

²⁵ Yawe Nug dada hak danab laug loppaɗe nette; amge Nug ah qab dilag keeke atognotte.

Prowerb 15:25 Referans Kwoze

Sam 146:9

Nug wan laihnu danab atognoadtte. Amu Nug ah qab, aria nid ag mamelkad mauhppig ele ehanadtte. Nug anam anam hette, amge Nug nau hak danab dilag maittak he nauhtte.

Prowerb 23:10

Na wannu tom epponak men anukka mak amu aib mautppe, laih waum. Ge, na nid naunau mamelkad mauhppig ele, na ahilag wan daug laih adekku aib yab aome.

Prowerb 14:11

Nau hak danab ah, ag baelkadppan ele ag geha nauhkkulag; amge genab tutukku hak danab ah, ag am geha buɗulkad kuɗum ele daaglag.

Prowerb 12:7

Nau hak danab ag padal mena, baula ii daatteb; amge genab tutukku hak danab, nug baekkudppa, ag ɠagattag daatteb.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.

Daniel 5:20

Amge na mamen nug nukka, nug onig huma, beɗuppa tak danab ba, nug dada danab ele ba dayaya, nug kobol ena hemanu dabmak nuhig ɠagattag eppom amunu, Yawe he, nug king ii daya, binag amahlak oppiaawak ele nuhig ele iitta meum.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Sam 52:5

Amge Kayak Nug heeb, na nauhna, iitta mekkut. Ao, Nug na ɠagattagnab aɗaitta, Nug na baenppan oolagppan awitta, buɗitteb, laih gokkut. Ge, Nug heeb na mauhkkut. Sila.

Duteronomi 19:14

Amu Yawe, ahilag Kayak, Nug wan ahilag daakkunu ag madatte amu, ag amuppa nona, ag aibnab mudippan lailkad dilag wan aoglagnu tom ag alalkad meppig mautadppig.

Sam 52:1

O ban danab naɗi, ⌊Doeg,⌋ aɗinu na nakka na eheɗ hemenu binan mettem? Kayaknu oo mauhaknab kobol ⌊dahilnu dim lamidtte am⌋ hanhan daatte.

Prowerb 15:26

Yawe Nug nau hak danab dilag dabmaknu ooppa uuaknab dootte; amge Nug danab oo oppiak ele dilag dabmaknu ooppa ena dootte.

Job 24:21

Ah mattoi, nid ii menutteb ele, ag ehanittak laa iitta amunu, hipunin danab ag ah amu dilagnu eheɗ hetteb; ag ah qab dilagnu ele oolag nakok laa ii bodoette, eheɗ hadatteb.

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Aisaia 1:17

Ag dabmak ena aon, kobol genab tutukkuib hekkulagnu dabmettan, aon aɗan oiyeg! Ag kobol genab tutukku amu henana, ag nai doya mala hettoɗia epeɗia elele mettak kobol dabmenan, dim lamitteg! Ag danab laala ag lailkad laa, ɠagattag nakokib eheɗ hadatteb ele amu, ag hak nau amu bappaladnana, eheɗ hak danab bu matteg! Ag nid ag mamelkad mauhppig ele, ag hettoɗiakppa atognoatteg! Ag ah qab, laa ag amu dilag eheɗ hadatteb anidna, ag hettoɗiakppa, o adekkuppa ag ah qab amu ehanadnana, atognoatteg!” Yawe Nug anam awa atte.

Jeremaia 5:28

Ag keeke oh ele, beɗulag am enaib daatte. Ag ahilag eheɗ hak am batak iitta; hakib hetteb. Hettoɗiakppa ag nid laa mamelkad mauhppig naippa ii ehanatteg, ag nai doya, hettoɗia, epeɗia, elele mettak kobol nakok laa ii anidtteb. Ao, ag daɗek danab ah ii ehanatteg, ag aɗi keeke aoglagnu daatteb amu, ag ii aotteb.