Prowerb 15:24 - Nobonob Baibel

²⁴ Danab doyak dabmak ena ele dilagnu amu, ahilagnu bau dayak ib am taata gotte; ag mauhak abenppa nomananu anam hette.

Prowerb 15:24 Referans Kwoze

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Pilipai 3:20

Amge ig am hab aabppan danab. Ig Eɗua Awikkak Danab ihinig, Naɗi Jesus Kristus, Nug appanu eɗua uɗia awigkkunu tappaɗidta ameg mettem.

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Matyu 7:14

Amge ib bauklel abenppa ukkak amu, nuhig od am hogogdoak, ib ele am hogogdoak amunu, danab ah laippu laippuib ag ib amu anidna gotteb.

Jeremaia 21:8

Aria, nai laa amu, aa Jerusalem danab ah amelagppa inam apeɗ doyeg! ‘Yawe Nug ag amelagppa inam atte. “Antteg! Da gemu ib aɗit ippunadttem. Laa amu bau dayaknu ippu. Laa amu mauhak ippu.

Prowerb 23:14

Na nug bu medakkut dayeb amu; na nug mauhkkunu ib oo nettem.

Prowerb 7:27

Nug laug am mauhak moɗppa ukkaknu ib. Ao, amuam ib, danab nug amuppa ukka, nug mauhkku.

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

Prowerb 5:5

Ah amu nug mauhak ibuppa aakku daatte. Ao, ah amu, nug ippu am moɗ agappanab gotte.

Prowerb 2:18

Nug laug am mauhak ib oɗeppanab daatte! Ao, ah amu ippu am, laa mauhppig ele, ag daattebppa gotte amunu,

Prowerb 9:8

Na awa awa qettak danab daug batappe, nug geha nau ninig ele nahipnu dookku; amge na danab doyak dabmak ena ele laa daug batappe amu, nug nahipnu oo mauhkku.

Sam 139:24

Na appa neegna anidna, aɗi keekenu na oot ii hette amu ippuniɗkkutnu oɗ medattem. Ao, na da ib bauklel dayakppa gotte, na ib amuppa anuqna gona, omaiɗkkutnu oɗ medattem.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.