Prowerb 15:21 - Nobonob Baibel

²¹ Danab nug epeɗia ha dabmak ena awak kobol ii dootte ele, nug Kayak dab-ii-maama hak kobolnu enanagnab dootte; amge laa nug diignu doyak tutukku ele, nug kobol tutukku hette.

Prowerb 15:21 Referans Kwoze

Epesus 5:15

Amunu ag oiyak ahilag dabmettan autna aona, danab oolagppa doyak dabmak ena ele daanna oiyeg! Ag danab oolagppa, ag danab doyak dabmak ena iitta ele aib daappig, amubia aib oippig.

Prowerb 10:23

Danab nug Kayak dab-ii-maama ii dim lamitta oitte, nug eheɗ haknu ena dootte; amge danab nug diignu doyak tutukku ele, nug doyak dabmak ena elenu nai doya, nug enanagnab dootte.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Prowerb 14:9

Danab ag Kayak dab-ii-menan ii dim lamidtteb ele, ag laanu keeke yab aoppigtai, guittak madappigtai, aɗi kobol nau anambia laa heppig amu, ag bappaidkkulagnu iinab dabmetteb, ag kobol amunu aon aon qedatteb; amge genab tutukku hak danab ag eppelagppa uug beum daatte amu, ag amu bappaidkkulagnu heegeg, Kayak Nug kobol amunu ena dootte.

Prowerb 11:12

Danab nug epeɗia ha dabmak ena awak kobol ii dootte ele oitte, nug mudippan laippu awa awa qedatte; amge danab nug diignu doyak tutukku ele oitte, nug anam ii hette.

Jems 3:13

Danab laa nug ag oolagppanu nug doyak dabmak ena ele, amu diignu doyak tutukku ele daattete? Anam dayeb amu, danab laa ag amu anidkkulagnu, nug nuhig oiyak enanag baɗ! Yo, laa ag amu anidkkulagnu amu, nug ele nukka nukka binag mak kobol iittappa, kobol doyak dabmak enappanu bette amu, nug kobol amuppa danab ehanattaɗ!

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Prowerb 14:8

Eheɗ bemanu dabmak awa dabmak amu dim lamittak danab nug nuhig doyak dabmak ena ele uɗat metta, nug aɗi keeke hette, nug amunu dabma auta aotte; amge danab nug Kayak dab-ii-maama ii dim lamidtte ele, nug Kayak dab-ii-maama hak kobol dim lamittatta, nukka buppuidtte.

Prowerb 15:22

Laa nug keeke laa hekkunu maittak awa, ulum nai ena ii aokku dayeb, nug keeke hekku am elele ii bekku; amge nug ulum nai ena ulum mettak danab kuɗum dilagppa aokku dayeb amu, nug aɗi hekku am elele bekku.

Prowerb 4:25

Haen oh na noomppanab neegnana, kobol tutukku neekkitte! Ao, na gottemppaib neegnana, kobol enaib neekkitte!

Prowerb 4:26

Heppe, na ippun tutukkuib dayaɗ! Ao, na ib ɠagattag daatte, amuppaib oiye!