Prowerb 15:20 - Nobonob Baibel

²⁰ Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Prowerb 15:20 Referans Kwoze

Prowerb 29:3

Danab nug doyak dabmak ena elenu oo mauhtte amu, nug mameg oo gamag ahak medatte; amge laa nug ib baag ah ele oitteb, nug nuhig en kakidtte.

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 23:22

Na mamen nug bau dayak mettom ele, na nuhig nai doye! Ao, na anin nug kaino meeb amu, na nuhignu ena iinab doyak aib doome!

1 King 5:7

Hiram nug Solomonnu oɗmak amu doya, nug nai amunu ooppa enanagnab doya, nug inam aum. “Gemu ig Yawe amegppa, ‘Ena heme,’ ata, Nug binag mekkunig. Aɗinu? Nug Dawitnu nid imu, nug doyak dabmak ena ele Dawit abenabppa daakkunu, nug danab ah huu okkainab, ɠagattag ele imu gumadkkunu Dawit abenabppa meum,” awa aum.

1 King 1:48

Nug Yawe noobppa dup noa binag ma, nug inam aum. ‘Ig Yawe, Israel dilag Kayak, ig Nug binag metu! Gemu Nug he, nid dahil imu nug da abenalppa king be, nug dahil sia kingppa dayeye, da anidmi!’ ” awa aum.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Pilipai 2:22

Amge ag dootteb, Timoti nug am danab enanag. Nug am nid mameg ele uɗat hettep, amubia nug da ele Nai Ena mehuqak uɗat heuɗ ukkom.

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

1 King 2:9

Amge na nug nau dahilppa heum amu, na amunu dabmak aona, na, ‘Nug eheɗ laa ii heum,’ aib dabmeme. Na am danab doyak dabmak ena ele amunu, na nuhigppa aɗi hekkutnu daatte amu, na dookkut. Na heppe, nug mauhaɗ!” awa aum.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Prowerb 13:1

Bekka nug doyak dabmak ena ele, nug ippunittak nai mameg toppanu awa dim lamidtte; amge awa awa qettak nid nug daug batak awaknu dab-ii-mette.

Prowerb 15:19

Danab bahi iittanab ele amu, nuhig bau dayaknu oiyak am, laa nug ib uud keeke qaun eleppa keldoak dayeye akkula gotte, amubia nug uug kuɗum anidtte; amge genab tutukku hak danab nug ib enanagppa gotte.

Prowerb 23:24

Aun nug bekka am genab tutukku hak nid daatte ele amu, nug mameg am oo gamag ahak okkai dootte. Ao, aun nug bekka nug doyak dabmak ena ele, nug nuhignu enanagnab dootte.