Prowerb 15:15 - Nobonob Baibel

¹⁵ Danab ah ag laa dilag eheɗ hattak waappa daanna oitteb ele am gadonnab, ahilag deɗ oh am, deɗ ena iittaib; amge danab nug oo gamag ahak dootte, nuhignu deɗ oh am hobulnu deɗ bia daatte.

Prowerb 15:15 Referans Kwoze

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

Prowerb 15:13

Danab laa nug oo gamag ahak dootte amu, iɗuppa amunu anttak aakku daatte; amge oo uug doyak, amuam he, danab nug ooppa na qak dootte.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

2 Korint 1:5

Aɗinu? Kristus guittak mawom, amubia ig guittak maottem. Anam amu, amubia oo mak Kristus ⌊Kayak eppegppanu awom,⌋ oo mak amu ig tonikka aut auta aotte.

Aposel 16:25

Qagate, aa anam daayya, tuqan tugmag Pol, Silas ele Kayak unuqidya daayya, ahi ele ettayya daapiɗ. Anam heeheh, maniguittak danab laa ag doyatppig.

1 Pita 4:13

Iitta. Dimppa Kristus binag amahlak oppiaawak ele miag atiak bekku, haen amuppa ag maɗoɗppan gamag ahak naɗi dooglagnu, ag uug mawak haenppa ag uug anamppa ag Kristus uug mawom bia ag uug maotteb doonna, maɗoɗppan gamag ahak doyeg!

Prowerb 16:22

Danab ag diignu doyak tutukku ele, ag bau dayaknu ib oɗe aakku anidna malappig; amge laa ag Kayak dab-ii-menan ii dim lamidtteb, ag Kayak dab-ii-maama hak hetteb, hak amuam he, ag bu aotteb.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

Prowerb 15:14

Danab ag diignu doyak tutukku ele, ag doyak ena ele tuɗidna aon daaglagnu hetteb; amge danab nug Kayak dab-ii-maama ii dim lamidtte ele, nug tuɗitta, Kayak dab-ii-maama haknu kobol antta dabmekkunu oo daatte.

Prowerb 15:16

Danab nug Yawenu ebehi oh bodoetta le mette dayeb, nug keeke kuɗum ele iittatai, me nug Yawenu ebehi oh bodoetta le mette amunu, amuam ena; amge danab nug en okkai ele daatte dayeb, ⌊me nug Kayaknu ebehi oh bodoetta le ii mette amunu,⌋ nug daatteppa nug qak daatte, amuam ena iitta.