Prowerb 15:11 - Nobonob Baibel

¹¹ Keeke oh mauhak abenppa daatte amu, Yawe Nug amu genab dootte; amunu Nug danab bau daatteb, Nug genabnab ag aɗi dabmetteb dootte.

Prowerb 15:11 Referans Kwoze

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Sam 139:8

Da hab attan tekkul dayeb amu, na appa daattem. Ao, da mauhak abenlagppa nokkul amu, na appa ele daattem.

Job 26:6

Mauhak aben am Kayaknu neekkakppa lokkumak ii daatte. Ao, Kayaknu neekkakppa mauhak aben am miagib daatte.

2 Stori 6:30

amu Yawe na, na dayak aben nahip, amuam hab aab, na appa daanna, unuqittak amu dookkutnu ool daatte. Doon, hipunin attem daatte amu, na uhuqna mekkan, na nakkaib danab ah oh dilag dabmak doottem amunu, na dabmak amu anidnana, na ag anen anen kobol heppig ele, na amuppa na ag melemel elele mattan, na ag kobol heppignu nob elele madakkutnu oɗ medattem.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Prowerb 27:20

Mauhak am danab daalo, padal mak ele danab daalo, aɗit amuam baubau danab ah diilopnu doolop; amubia, danab ag keeke baubau aoglagnu oolag hette.

Sam 7:9

O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.

1 Samuel 16:7

Samuel nug ooppa anam aum, amge Yawe Nug Samuel amegppa aum. “Na nid imu, nug beɗu, iɗu ele ena anidna, ‘Imuam king daakku,’ aib ame! Aɗinu? Da nug king daakkunu geɗidmi. Da amu heminu diig am, da danab keeke anidna epeɗitteb, da amubia ii hettem. Iitta. Ag am keeke dimittim amuib anidna epeɗitteb. Da am danab oolag anidttem,” awa aum.

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Aposel 1:24

Ag danab aɗit otiatona, ag inam unuqidppig. “Naɗi, na danab oh oolag diig doottem amunu, danab aɗit imu oolahppan na aun nug Judas abenabppa ba, totol uɗat imu aokkunu tituanme amu, na ig ippunigkkutnu oɗ medattem. Judas nug nuhig abenppa gokkunu uɗat amu uuom,” unuqidna anam appig.

Revelesen 9:11

Ag ahilag king ele, nug ag gumadtte. Nug am moɗ oɗe noa ukka batak iitta ele, amunu okkai. Hibru naippa amu nug onig am Abadon. Grik naippa amu nug onig am Apolion.

Prowerb 15:10

Danab nug doyaya ib apiɗidtte, nug tolitta bu mettak ɠagattag aokku; amu danab nug daug tolitta mettaknu nau ninig ele dootte amu, nug mauhkku.

Prowerb 17:3

Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug ehale ukke, golppa o silwappa ii daatte; amge Yawe Nug ma anttak danab metta ha, Nug ib amuppa danab ooppa nau daatte dayeb he, miag atitte.