Prowerb 15:10 - Nobonob Baibel

¹⁰ Danab nug doyaya ib apiɗidtte, nug tolitta bu mettak ɠagattag aokku; amu danab nug daug tolitta mettaknu nau ninig ele dootte amu, nug mauhkku.

Prowerb 15:10 Referans Kwoze

Prowerb 12:1

Aun laa nug tolittak awaknu oo mauhtte, nug doyak enanu oo mauhtte; amge aun laa nug tolittak awaknu nau ninig ele dootte, nug am doɗ dabmak iitta ele bia.

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Prowerb 13:1

Bekka nug doyak dabmak ena ele, nug ippunittak nai mameg toppanu awa dim lamidtte; amge awa awa qettak nid nug daug batak awaknu dab-ii-mette.

Prowerb 10:17

Laa nug tolitta bu mettak awawa oo eɗutte, nug laa ag ib attenppa bau daaglag, nug ag amu ippunadtte; amge laa nug nai ii dootte, nug bu awawa oo ii eɗutte, nug laa ag padal mekkulagnu ib ippunadtte.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Prowerb 5:12

Am na geha akkut. “Laa ag da toliɗna, bu meɗaglagnu heppig amu, da uue autenab aomi! Ao, laa ag da daul batappig amu, daug batak ahilagnu doyak nakok laa aokkulnu, da uue autenab aomi!

Prowerb 1:30

Ag dahil ulum nai ena doon, dim lamidkkulagnu uuppig. Ge, ag daug batak nai dahilnu am keeke hamu bia dooppig.

1 King 22:8

Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.

1 King 21:20

Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.

1 King 18:17

Haen Ahap nug ukka, Elaiya antta amu, nug aum. “Am genab na, na Israel uug madattem danab, am nate aakku?” awa oɗ mettom.

Prowerb 23:35

Na wain huana lawona, na inam akkut. “Ag da oiɗppig, amge da guittak ii meɗappig. Ao, ag da oiɗppig, amge guittak laa ii doomi. Da ganeb le baula lakkulnu niiaknu uue, eɗuen ahakkul.” Na anam akkut.

Prowerb 1:25

Amu genab, ag dahil ulum nai ena, ag amu oh dooglagnu uuppig. Ao, ag daug batak nai da hemi amu, ag amu uuppig.

Prowerb 15:9

Yawe Nug nau hak danab dilag oiyaknu ooppa uuaknab dootte; amge Nug danab ag genab tutukku hak kobol dim dim lamidtteb, Nug ahilagnu oo mauhtte.

Prowerb 15:11

Keeke oh mauhak abenppa daatte amu, Yawe Nug amu genab dootte; amunu Nug danab bau daatteb, Nug genabnab ag aɗi dabmetteb dootte.

Sam 50:17

Ag anen anen ag dahil tolittaknu nau ninig ele dootteb. Ag dahil ɗo dimedappig daatteb.

Jeremaia 2:17

Keeke amu oh ahilagppa beum amu, amunu diig am, ag da, Yawe, ahilag Kayak, da ag omalatti uɗippig amu, ag da uuiɗppig. Ag da uuiɗppig amunu, kobol eheɗ ahilagppa beum ele, amuam ag beɗulagppa iittate?

Esekiel 33:9

Na nug amegppa nau aomanu nai amu ii akkut dayeb am anam, amge na nau hak danab nug nau aomanu nai nug amegppa appe, nug nahip nai ii dookku dayeb, nug nau hak nuhig, eheɗ hak nuhig ele ii uua, tuɗitta hekku dayeb amu, nug hipunin nuhignu mauhkku, amge na am hipunin laa iitta. Na ii mauhmana,” awa aum.